छत्रपती संभाजी महाराजांच्या बलिदान आणि शौर्यगाथेवर आधारित हा सिनेमा आहे. बॉक्स ऑफिसवरही फक्त 'छावा' सिनेमाचे राज्य पाहायला मिळत आहे.
हा सिनेमा पाहण्यासाठी प्रेक्षक सिनेमागृहात गर्दी करीत आहेत. जवळपास सगळीकडेच सिनेमाचे शो हाऊसफुल्ल होत आहेत. आता प्रेक्षकांसाठी एक खूशखबर आहे.
छावा मराठीतही येणार आहे. सांस्कृतिक मंत्री उदय सामंत यांनी याबाबत माहिती दिली. उदय सामंत यांनी नुकतीच 'छावा' सिनेमाचे दिग्दर्शक लक्ष्मण उतेकर यांची भेट घेतली.
हा सिनेमा मराठीत डब करून प्रदर्शित करण्यात यावा, अशी विनंती उदय सामंत यांनी लक्ष्मण उतेकर यांना केली.
लक्ष्मण उतेकर यांनी ही विनंती मान्य केली असून, लवकरच हा सिनेमा मराठीतही प्रदर्शित होणार असल्याचे सांगितले.
याबाबत उदय सामंत यांनी ट्विट केले आहे.