नवी दिल्ली : भारताचे पंतप्रधान नरेंद्र मोदी सध्या पापुआ न्यू गिनी या देशाच्या दौर्‍यावर आहेत. पंतप्रधान नरेंद्र मोदी यांचे पापुआ न्यू गिनी येथे आगमन झाल्यानंतर पापुआ न्यू गिनीचे पंतप्रधान जेम्स मारापे यांनी मोदींचे चरणस्पर्श करत आशीर्वाद घेतले होते. या घटनेचा व्हिडीओ देखील चांगलाच व्हायरल होत आहे. त्यानंतर आता पंतप्रधान मोदींना सर्वोच्च सन्मान देवून गौरविण्यात आले आहे.
पंतप्रधान नरेंद्र मोदी यांना फिजीने त्यांच्या वैश्विक नेतृत्वासाठी त्यांना ‘कम्पेनियन ऑफ ऑर्डर ऑफ फिजी’ हा देशाचा सर्वोच्च सन्मान देण्यात आला आहे. यानंतर आता लगेचच पापुआ न्यू गिनीने देखील पंतप्रधान नरेंद्र मोदी यांना ‘कम्पेनियन ऑफ द ऑर्डर ऑफ लोगोहू’ हा पुरस्कार प्रदान केला आहे.
पंतप्रधान मोदी यांना पॅसिफिक बेटांच्या देशांच्या एकतेसाठी आणि ग्लोबल साउथचे नेतृत्व केल्याबद्दल हा सन्मान देण्यात आला आहे. पापुआ न्यू गिनीने पंतप्रधान जेम्स मारापे यांनी नरेंद्र मोदी यांना ‘कम्पेनियन ऑफ द ऑर्डर ऑफ लोगोहू’ हा पुरस्कार प्रदान केला. पापुआ न्यू गिनीतील फार कमी अनिवासींना हा पुरस्कार मिळाला आहे.
Papua New Guinea conferred the Companion of the Order of Logohu to PM Narendra Modi for championing the cause of unity of Pacific Island countries and spearheading the cause of Global South. Very few non-residents of Papua New Guinea have received this award.
This comes… pic.twitter.com/WIisl81rGs
— ANI (@ANI) May 22, 2023
