मध्य प्रदेशातील दमोह विधानसभेसाठी आप पक्षातर्फे चाहत पांडे ही अभिनेत्री उभी होती. पण तिला दारुण पराभवाला सामोरे जावं लागलं आहे. विधानसभेसाठी पहिल्यांदाच चाहत पांडे निवडणुकीत उभी होती. पण तिला सपशेल पराभवाला सामोरं जावं लागलंय.
मध्य प्रदेशातील दमोह येथे राहणारी टीव्ही अभिनेत्री चाहत पांडे या वर्षी जूनमध्ये आम आदमी पार्टीमध्ये सामील झाली होती. भाजपचे ज्येष्ठ नेते जयंत मलाय्या यांच्या विरोधात पक्षाने चाहत यांना दमोहमधून उमेदवारी दिली. त्याचवेळी काँग्रेसचे विद्यमान आमदार अजय टंडन यांचाही या तिरंगी लढतीत सहभाग होता.
अभिनेत्री चाहत पांडेने अनेक टीव्ही मालिकांमध्ये काम केले आहे. तिने वयाच्या १७ व्या वर्षी पवित्र बंधन या टीव्ही शोमधून आपल्या अभिनय कारकिर्दीला सुरुवात केली.
वर्क फ्रंटबद्दल बोलायचे झाले तर टीव्ही अभिनेत्री तेनालीरामन, राधा कृष्णन, सावध इंडिया, नागिन-2, दुर्गा-माता की छाया, अलादीन आणि क्राइम पेट्रोलसह अनेक मालिकांमध्ये दिसली आहे. सध्या ती ‘नाथ जेवर या जंजीर’ या टीव्ही शोमध्ये महुआची भूमिका साकारत आहे.
