बिग बॅश लीग सध्या ऑस्ट्रेलियात खेळवली जात आहे. रविवारी या लीगमध्ये असे काही घडले ज्यामुळे खळबळ उडाली. क्रिकेटमध्ये हे क्वचितच पाहायला मिळाले आहे. हे प्रकरण मेलबर्न रेनेगेड्स आणि पर्थ स्कॉचर्स यांच्यात खेळल्या गेलेल्या सामन्याचे आहे. जिलॉन्गच्या GMHBA स्टेडियमवर दोन्ही संघ सामना खेळत होते पण सामना अवघ्या 6.5 षटकांत संपला. नक्की काय कारण होत? हे खालील प्रमाणे जाणून घ्या.
या सामन्यात मेलबर्न संघाने नाणेफेक जिंकून प्रथम गोलंदाजी करण्याचा निर्णय घेतला. पर्थ स्कॉचर्स फलंदाजीला आले आणि त्यांनी दोन गडी गमावले. पहिल्या षटकाच्या दुसऱ्या चेंडूवर स्टीफन एस्किन्झी खाते न उघडता बाद झाला. दुसरा सलामीचा फलंदाज कूपर कोनेलीही सहा धावा करून बाद झाला.
या काळात फलंदाजांना खूप अडचणींचा सामना करावा लागला. ऍरॉन हार्डी आणि जोश इंग्लिश क्रीजवर खेळत होते पण सातव्या षटकात खेळताना इंग्लिशला खूप त्रास होत होता. चेंडू कुठे जातोय याची कल्पना नव्हती. त्याचा व्हिडिओ सोशल मीडियावर व्हायरल होत आहे, ज्यामध्ये असे दिसून येते की यष्टीरक्षक क्विंटन डी कॉक देखील चेंडू मागे धरताना खूपच आश्चर्यचकित दिसत होता कारण त्याला देखील चेंडू कुठे जात आहे हे समजत नव्हते. त्यानंतर इंग्लिशने मैदानावरील पंचांकडे याबाबत तक्रार केली आणि चाचणीनंतर सामना रद्द करण्यात आला.
हे कारण आहे
रविवारपूर्वी गिलॉन्गमध्ये भरपूर पाऊस झाला होता. मैदानावरील कर्मचाऱ्यांनी मैदान कोरडे करण्याचा आटोकाट प्रयत्न केला. पावसामुळे खेळपट्टी रात्रभर झाकून ठेवण्यात आली होती. मेलबर्नचा कर्णधार निक मॅडिसनने खेळपट्टी अतिशय ओली असल्याचे वर्णन केले होते आणि स्कोचर्सना प्रथम फलंदाजीसाठी पाठवले होते. या सामन्याचे पंच बेन ट्रोलर यांनी चॅनल सेव्हनशी बोलताना सांगितले की, टाकलेला शेवटचा चेंडू खूपच विचित्र होता. तो म्हणाला की चेंडू पाहिल्यानंतर त्याच्या मनात आले की ही खेळपट्टी खूप धोकादायक आहे आणि त्यामुळेच सामना रद्द करण्यात आला. स्कॉर्चर्सचा कर्णधार अॅश्टन टर्नर म्हणाला की, सामना सुरू होण्यापूर्वीच खेळपट्टीबाबत प्रश्न होते पण तरीही त्यांनी प्रयत्न केले.
Big Bash match between Melbourne Renegades vs Perth Scorcher has been suspended due to "unsafe pitch".pic.twitter.com/skeXVbGeWn
— Johns. (@CricCrazyJohns) December 10, 2023
