मुंबई : उद्धव ठाकरे ज्या गोष्टी कॅमेरातून टिपतात, त्या गोष्टी आम्ही टप्प्यात आल्यावर टिपतो. असा टोला उपमुख्यमंत्री देवेंद्र फडणवीस यांनी उद्धव ठाकरे यांना लगावला आहे. फडणवीस यांनी आज जहांगीर आर्ट गॅलरीला भेट दिली. यापूर्वी उद्धव ठाकरे यांनी जहांगीर आर्ट गॅलरीत भेट दिली होती. यावेळी कमळ सोबत वाघ असल्याच्या फोटोंवर त्यांनी टीका केली होती.
ठाकरेंना प्रत्त्युत्तर देताना फडणवीस म्हणाले, “मी माझ्या नजरेतून पाहतो. उद्धव ठाकरे ज्या गोष्टी कॅमेरातून टिपतात, त्या गोष्टी आम्ही टप्प्यात आल्यावर टिपतो. उद्धवजी स्वतः फोटोग्राफर आहेत मी सामान्य माणूस आहे. ते त्यांच्या नजरेतून पाहतात, मी माझ्या नजरेने पाहतोय. तर ज्या गोष्टी ते कमेरातून टिपतात, तशाच प्रकारे काही गोष्टी आम्हालाही टिपता येतात त्या आम्ही टप्प्यात आल्यावर टिपतो.” असे फडणवीस म्हणाले.
