युझवेंद्र चहल सध्या क्रिकेटपासून दूर असला तरी तो कुठल्या ना कुठल्या कारणामुळे चर्चेत आहेत. त्याची पत्नी धनश्रीने अलीकडेच ‘झलक दिखला जा’ या डान्स रिॲलिटी शोमध्ये भाग घेतला होता. धनश्रीने फायनल गाठली पण ती जिंकू शकली नाही. चहलने लोकांना आपल्या पत्नीला मतदान करण्याचे आवाहन केले. त्याने बॉलिवूड अभिनेत्री हिना खानला इंस्टाग्राम लाईव्ह दरम्यान कमेंट करून मतांचे आवाहन करण्याची विनंती केली होती. धनश्रीला मात्र विजय मिळवता आला नाही. या शोनंतर एक पार्टी झाली ज्यामध्ये चहलही उपस्थित होता. या पार्टीत चहलसोबत असे काही घडले की तो प्रकाशझोतात आला. या पार्टीत अनेक स्टार्स होते. त्यात बजरंग पुनियाची पत्नी संगीता फोगटही उपस्थित होती. फोगट ही कुस्तीपटू आहे. तिने चहलला असे काही केले की तो घाबरला आणि ओरडू लागला. आता तुम्हाला प्रश्न पडला असेल की संगीताने काय केले ?
https://www.instagram.com/p/C4C95FQxMOg/?utm_source=ig_embed&utm_campaign=embed_video_watch_again
या पार्टीत संगीताने चहलला खांद्यावर उचललं. इतकंच नाही तर ज्याप्रमाणे एखादा पैलवान एखाद्याला आपल्या दोन्ही खांद्यावर उचलून फेकतो, त्याचप्रमाणे संगीताने चहलला उचलून बराच वेळ गोल गोल फिरवले. यावेळी चहल हा आरडाओरडा करत संगीताला थांबण्यास सांगत होता पण संगीताने त्याचे ऐकले नाही आणि त्याला उचलून उलटवले. काही वेळाने संगीता थांबली आणि चहलला खाली उतरवले. तेव्हाच चहलने सुटकेचा नि:श्वास सोडला. हा व्हिडिओ सध्या सोशल मीडियावर व्हायरल होत आहे.
