सातारा जिल्ह्यात एक धक्कादायक बातमी समोर आली आहे. येथे अजिंक्यतारा किल्ल्याजवळील डोंगरावर बेपत्ता अल्पवयीन मुलीचा मृतदेह छिन्नविछिन्न अवस्थेत आढळून आला. डोंगराच्या पायथ्याशी फिरायला गेलेल्या लोकांनी मुलीचा मृतदेह पाहिल्यानंतर त्यांनी वनविभागाला माहिती दिली. माहिती मिळताच वनविभाग आणि पोलिसांचे पथक घटनास्थळी पोहोचले. पोलिसांचे पथक जेव्हा मुलीच्या मृतदेहाजवळ पोहोचले तेव्हा तेथील दृश्य पाहून त्यांना धक्काच बसला. मुलीच्या मृतदेहाजवळ एक बिबट्याही मृतावस्थेत पडला होता.
वास्तविक नागठाणे परिसरात राहणारी अल्पवयीन मुलगी महिनाभरापासून बेपत्ता होती. पोलीस पथक तिचा शोध घेण्यात व्यस्त होते, मात्र पत्ता लागला नाही. दरम्यान, सातारा शहरातील अजिंक्यतारा किल्ल्याजवळ एका अनोळखी तरुणीचा मृतदेह पडलेला आढळून आला. मुलीचा मृतदेह अत्यंत छिन्नविछिन्न अवस्थेत होता. जवळच एका बिबट्याचा मृतदेहही पडला होता. प्राथमिक तपासात बिबट्याच्या हल्ल्यामुळे मुलीचा मृत्यू झाला असावा, असे पोलिसांना वाटत होते, मात्र बिबट्याचा मृत्यू कसा झाला हा पोलिसांच्या तपासाचा विषय ठरला आहे.
विष प्राशन करून मुलीने गडावरून उडी मारली
पोलिसांनी मुलीचा मृतदेह ताब्यात घेऊन पोस्टमार्टमसाठी पाठवला. पोलिसांनी त्यांचा तपास सुरू केला असता महिनाभरापूर्वी नागठाणे परिसरातून बेपत्ता झालेल्या याच अल्पवयीन मुलीने सातारा शहरातील अजिंक्यतारा किल्ल्यावरून उडी मारून आत्महत्या केल्याचे समोर आले. मुलीने आधी विष प्राशन केले आणि नंतर गडावरून उडी मारल्याचे सांगण्यात आले.
किल्ल्यावरून उडी मारल्याने मुलीचा मृत्यू झाला. या मुलीचा मृतदेहही बिबट्याने खाल्ला होता. विष प्राशन केल्यानंतर मुलीने उडी मारली असल्याने तेच विष बिबट्याच्या अंगात पसरून त्याचाही मृत्यू झाला असण्याची शक्यता आहे. बिबट्याचा मृत्यू मुलीचा मृतदेह खाऊन झाला की झाडाच्या फांद्या अडकून झाला, याचा तपास पोलीस करत आहेत.
जिथे मुलीचा मृतदेह सापडला, तिथे बिबट्या पडून होता
ज्या ठिकाणी अल्पवयीन मुलीचा मृतदेह होता त्याच ठिकाणी झाडावर बिबट्याचा मृतदेह आढळून आला. त्यासोबत मुलीची पाण्याची बाटली आणि पिशवीही त्या ठिकाणी सापडली. शवविच्छेदनानंतर सातारा पोलिस ठाण्यात गुन्हा दाखल करण्यात आला आहे. शवविच्छेदन अहवाल आल्यावर मृत्यूचे नेमके कारण समोर येईल, मात्र अल्पवयीन मुलीने आत्महत्या का केली? याचाही तपास पोलीस करत आहेत.
