मुंबई । आंतरराष्ट्रीय घडामोडीचा परिणाम सोने आणि चांदीच्या किमतीवर दिसून आला. मे-जून महिन्यात घसरण झालेल्या सोन्याच्या किमतीत गेल्या महिन्यात वाढ दिसून आली. मात्र ऑगस्ट महिन्याच्या सुरुवातीपासून सोने घसरताना दिसत आहे. कमकुवत मागणीमुळे भारतीय सराफा बाजार आज गुरुवारी घसरणीसह उघडला.
या दरम्यान दोन्ही धातूंच्या किमतीत घट नोंदवण्यात आली. सोन्याचा भाव 100 रुपयांनी कमी झाला, तर चांदीचा भाव 480 रुपयांनी कमी झाला. यासह, 22 कॅरेट सोन्याची किंमत 54,441 रुपये प्रति 10 ग्रॅमवर आली आहे, तर 24 कॅरेट सोन्याची किंमत 59,390 रुपये प्रति 10 ग्रॅमवर आली आहे. तर चांदीच्या भावात घसरण झाल्यानंतर त्याची किंमत 72,670 रुपये झाली.
दुसरीकडे, मल्टी कमोडिटी एक्सचेंज म्हणजेच MCX वर सोन्याच्या किमतीत 0.20% म्हणजेच 117 रुपयांची घट झाली आहे आणि 59,354 रुपये प्रति 10 ग्रॅमवर ट्रेंड करत आहे. यापूर्वी सोन्याचा उच्चांक 59,439 आणि 59,342 च्या खालच्या पातळीवर होता. MCX वर चांदीची किंमत 0.70% (रु. 510) च्या घसरणीसह 72,450 रुपये प्रति किलोवर ट्रेंड करत आहे. जे आधी 72,749 च्या उच्च पातळीपर्यंत आणि 72,392 च्या किमान पातळीपर्यंत राहिले.
राजधानी दिल्लीत घसरणीनंतर सोने (22 कॅरेट) प्रति दहा ग्रॅम 54,248 वर व्यवहार करत आहे. तर 24 कॅरेट सोन्याचा भाव 59,180 रुपये आहे. तर दिल्लीत चांदीचा भाव 72,360 रुपये प्रति किलो आहे. तर मुंबईत 22 कॅरेट सोन्याचा भाव 54,340 रुपये आणि 24 कॅरेट सोन्याचा दर 59,280 रुपये प्रति दहा ग्रॅम आहे. त्याचबरोबर मुंबईत चांदीचा भाव 72,490 रुपये प्रति किलोने विकला जात आहे. दुसरीकडे, कोलकात्यात सोन्याचा (22 कॅरेट) भाव 54,248 रुपये प्रति दहा ग्रॅम आणि 24 कॅरेट सोन्याचा भाव 59,180 रुपये प्रति दहा ग्रॅमवर आहे.
