जळगाव | भुसावळ, जळगावहुन नाशिककडे जाणाऱ्या रेल्वे प्रवाशांसाठी महत्वाची बातमी असून आज म्हणजेच ७ मार्च ते १४ मार्च पर्यंत भुसावळ- देवळाली व भुसावळ-इगतपुरी या दोन मेमू गाड्यांसह नाशिक बडनेरा मेमू रद्द करण्यात आली आहे. भुसावळ विभागातील रेल्वे प्रवाशांसाठी महत्वाची बातमी आहे. भुसावळ ते मनमाड दरम्यान तिसऱ्या रेल्वे लाइनचे काम सुरू आहे. याच पार्श्वभूमीवर चाळीसगाव रेल्वे स्टेशनवर यार्डातील कामामुळे ब्लॉक घेण्यात येत असून यामुळे या गाड्या रद्द करण्यात आल्या आहे. त्यामुळे चाकरमान्यांसह प्रवाशांचे मोठ्या प्रमाणावर हाल होणार आहेत.
भुसावळ ते मनमाड दरम्यान तिसऱ्या रेल्वे लाइनचे काम प्रगती पथावर सुरू असून या दरम्यान चाळीसगाव रेल्वे स्थानकावर वार्ड रिमोडेलिंगच्या कामामुळे तीन मेनू गाड्यांसाठी आठवडाभराचा ब्लॉक घेण्यात आला आहे. त्यामुळे ७ मार्च पासून गाडी क्रमांक ११११४ अप भुसावळ-देवळाली मेमू भुसावळ रेल्वे स्थानक येथून रद्द करण्यात आली आहे. तर शुक्रवार ८ रोजी पासून गाडी क्रमांक ११११३ डाऊन देवळाली-भुसावळ ही मेमू देवळालीहून रद्द करण्यात आली आहे.
तसेच गाडी क्रमांक ०१२११ अप आणि ०१२१२ डाऊन बडनेरा-नाशिकरोड बडनेरा मेमू गाडी ७ रोजी पासून दोन्ही दिशेने रद्द करण्यात आली आहे. गाडी क्रमांक १११२० अप भुसावळ-इगतपुरी गुरूवार पासून भुसावळहून रद्द करण्यात आली आहे.
