महिला कॉन्स्टेबलची हत्या करण्यात आल्याची धक्कादायक घटना समोर आली आहे. या घटनेने सर्व परिसर हादरलं आहे. शोभा असे या महिला कॉन्स्टेबलचे नाव आहे. दरम्यान, ही महिला शुक्रवारी सकाळी गजेंद्र नावाच्या तरुणाला भेटण्यासाठी हॉटेलमध्ये आल्याचे सांगण्यात आले. आता या प्रकरणाचा पुढील तपास पोलीस करत आहेत.
सूत्रानुसार, पती गजेंद्रने पत्नी कॉन्स्टेबल शोभाची गोळ्या झाडून हत्या केली आहे. महिला कॉन्स्टेबलच्या हत्येनंतर अनेक गोष्टी उघड होत आहेत. या महिला कॉन्स्टेबलचे एसएसबी जवानासोबत प्रेमसंबंध होते. त्यामुळे तिचा पती नैराश्यात राहत होता. शोभा आणि गजेंद्र यांचा प्रेमविवाह झाला होता. गजेंद्र कोचिंग सेंटर चालवायचा, इथेच त्याची शोभा यांच्याशी ओळख झाली. लग्नानंतर त्यांनी आपली शेती विकून पत्नी शोभाला शिक्षण दिले आणि त्यानंतर शोभा पोलीस शिपाई झाली.
गजेंद्रच्या वडिलांनी सांगितले की, त्यांचा मुलगा १३ हजार रुपये घेऊन घराबाहेर पडला होता. नंतर समजले की मुलानेच पत्नीचा खून केला आहे. मुलाचा मित्र हेमंत अनेक दिवसांपासून ड्रग्ज घेत होता. हेमंतने सांगितले की, गजेंद्रला विचारले असता त्याने सांगितले की त्याची पत्नी शोभा हिचे एसएसबी जवानासोबत अफेअर होते. ज्या व्यक्तीसोबत पत्नीचे प्रेमसंबंध होते ती व्यक्ती सीतामढी येथील रहिवासी आहे. यामुळे तो नैराश्यात जगत होता. प्रेमसंबंधावरून पती-पत्नीमध्ये वाद झाला.
गजेंद्रच्या वडिलांनी पुढे सांगितले की, गजेंद्रने आपल्या इच्छेनुसार लग्न केले आणि नंतर शेती विकून पत्नीला शिक्षण दिले. गेल्या काही दिवसांपासून दोघांमध्ये दुरावा निर्माण झाला होता. गजेंद्र हा अतिशय शांत मनाचा मुलगा असल्याचे गावकरी सांगतात. तो नोकरीची तयारी करत होता आणि त्याने आपल्या पत्नीची हत्या केली, यावर विश्वास बसत नसल्याचे गावकर्यांनी सांगितले. बिहारची राजधानी पाटणा येथे शुक्रवारी ही घटना घडलीय. आता पाटणाच्या कोतवाली पोलीस ठाण्याचे पोलीस या प्रकरणाचा तपास करत आहेत.
