निवडणूक आयोगाने हरियाणा आणि जम्मू-काश्मीरमधील विधानसभा निवडणुका जाहीर केल्या आहेत. जम्मू-काश्मीरमध्ये तीन टप्प्यात निवडणुका होणार आहेत, तर हरियाणामध्ये एकाच टप्प्यात मतदान होणार आहे.
हरियाणामध्येही विधानसभेच्या ९० जागा आहेत, तर जम्मू-काश्मीरच्या केंद्रशासित प्रदेशात नव्या सीमांकनानंतर विधानसभेच्या जागांची संख्या ९० झाली आहे. जम्मू-काश्मीरमध्ये पहिल्या टप्प्यासाठी १८ सप्टेंबरला, दुसऱ्या टप्प्यासाठी २५ सप्टेंबरला आणि तिसऱ्या टप्प्यासाठी १ ऑक्टोबरला मतदान होणार आहे. त्याचबरोबर हरियाणातील सर्व जागांवर १ ऑक्टोबरला मतदान होणार आहे.
दोन्ही राज्यांचे निवडणूक निकाल ४ ऑक्टोबरला एकाच वेळी जाहीर होतील. जम्मू-काश्मीरमध्ये 10 वर्षांनंतर विधानसभा निवडणुका होत आहेत. त्याचबरोबर कलम 370 हटवल्यानंतर पहिल्यांदाच लोक विधानसभा निवडणुकीत सहभागी होणार आहेत.
