मुझफ्फरनगर जिल्ह्यातील योग साधना यशवीर आश्रमात दि. २३ सप्टेंबर रोजी १० मुस्लिम कुटुंबातील ७० जणांनी सनातन धर्मात वापसी केली आहे. यावेळी आचार्य मृगेंद्र सिंह यांनी शुद्धीकरण यज्ञ केला आणि पूर्वीच्या धर्मात परतणाऱ्या लोकांना सनातन धर्माची दीक्षा दिली. बाघरा ब्लॉकमध्ये असलेल्या योग साधना यशवीर आश्रमात आचार्य मृगेंद्र सिंह यांनी मुझफ्फरनगरमध्ये राहणाऱ्या जोगी समाजाच्या १० कुटुंबांतील ७० लोकांची सनातन धर्मात घरवापसी केली.
आचार्य मृगेंद्र सिंह यांनी सांगितले की, १० वर्षांपूर्वी या सर्व १० कुटुंबांना एका मौलवी आणि काही मुस्लिम नेत्यांनी आमिष दाखवून किंवा धमकावून धर्मांतरित केले होते, ज्यांना आज आश्रमात सनातन धर्मानुसार शुद्धीकरणानंतर पुन्हा धर्मात आणण्यात आले आहे. आचार्य मृगेंद्र सिंह यांच्या मते ही १० मुस्लिम कुटुंबे आहेत. हे लोक सकाळी आश्रमात आले आणि आम्ही १० वर्षांपूर्वी मुस्लिम झालो आहोत आणि आम्ही जोगी समाजाचे आहोत, ज्यांना उपाध्याय देखील म्हटले जाते आणि आता सनातन धर्मात परतायचे आहे, असा आग्रह धरला.
त्यांच्या विनंतीवरून शुध्दी यज्ञाचे आयोजन करण्यात आले, हवन करण्यात आले आणि त्यांना सनातन धर्माची दीक्षा देण्यात आली आणि आज ते सनातन धर्मात परतले. हे लोक मुझफ्फरनगरचे रहिवासी आहेत. 7० लोकांमध्ये माता, बहिणी, वडील आणि मुले यांचा समावेश होता. घरवापसीचे आयोजन करणाऱ्या आचार्य मृगेंद्र सिंह यांनी सांगितले की, सुमारे ११०० मुस्लिम बांधव आश्रमात येऊन सनातन धर्मात परतले आहेत. या लोकांपैकी एकाचे नाव आधी नाहिद होते, आता त्यांचे नाव अरविंद कुमार आणि एका महिलेचे नाव नाझिया आहे, आता तिचे नाव कविता देवी ठेवण्यात आले आहे.इमरानमधून कुलदीप, सलीममधून सोमपाल, फरमानमधून करण, फुरकानमधून छोटाराम, रहीममधून कन्हैया, लवकुमारमधून लविश, सतीशमधून अस्लम, अशोकमधून अब्दुल खान अशी घरवापसी केल्या लोकांची नावे आहेत.
