दिल्ली उच्च न्यायालयाने सार्वजनिक जमिनीवरील अतिक्रमणांना डकैती असे म्हटले आहे. एका जनहित याचिकावरील सुनावणीदरम्यान न्यायालयाने दिल्ली महानगरपालिकेला या अतिक्रमणावर अधिक चांगल्या प्रकारे पाळत ठेवण्यासाठी ड्रोन आणि उपग्रहांची मदत घेण्याचा सल्ला दिला. त्याद्वारे काढलेल्या छायाचित्रांच्या माध्यमातून अतिक्रमणावर लक्ष ठेवावे, असे न्यायालयाने म्हटले आहे.
दिल्लीतील निजामुद्दीन की बाओली आणि बाराखंबा मकबरासारख्या संरक्षित स्मारकांजवळील बेकायदा बांधकामांवर न्यायालयाने नाराजी व्यक्त केली आहे. भारतीय पुरातत्व सर्वेक्षण आणि पोलिसांनी दिलेल्या माहितीवरही कोणतीही कारवाई करण्यात आली नाही, असे न्यायालयाने म्हटले आहे.
