पारोळा : अयोध्या येथे प्रभु श्रीराम यांची प्राणप्रतिष्ठा सोहळा निमित्त शहरात विश्व हिंदू परिषद बजरंग दल अंतर्गत दुर्गा वाहिनीच्या तरुणींनी भव्य शोभायात्रा काढत दंड प्रात्यक्षिक सादरीकरण करून सर्वांचे लक्ष वेधले होते.
छ्त्रपती शिवाजी महाराज यांच्या स्मारक शिवतीर्थ येथून भव्य शोभायात्रेला सुरुवात करण्यात आली. ह्या मिरवणुकीत विश्व हिंदु परिषद, दुर्गा वाहिनी तर्फे लहान- मोठ्या मुलींच्या वतीने दंड प्रात्याशिक मिरवणुकीत ठिक-ठिकाणी सादरीकरण करण्यात आले, तसेच सदर मिरवणुकीच्या मार्गक्रमनावर ठिक ठिकाणीं महाप्रसाद व थंड पेय वितरण, यांची व्यवस्था व्यापारी, लोक प्रतिनिधी, नागरिकांनी केली होती.
मिरवणुकीत विश्व हिंदु परिषद दुर्गा वाहिनी सह नारीशक्ती यांच्या सह पारोळा शहरातील सामाजिक संघटना यांनी देखील मिरवणुक मध्ये सहभागी होत सहकार्य केले.आनंदोत्सव मिरवणूक खुप मोठ्या उत्साहाने जल्लोषात मोठे श्रीराम मंदिर येथे सांगता करण्यात आली.
