पाचोरा : भरधाव ट्रॅक्टरने दिलेल्या धडकेतखेडगाव (नंदिचे) येथील ४२ वर्षीय शेतकऱ्याचा दुर्दैवी मृत्यू झाला. जळगाव ते पाचोरा महामार्गवर ८ एप्रिल रोजी सायंकाळी ७ वाजता हा अपघात घडला. अर्जुन फरगाडे ( ४२) असे मृत शेतकऱ्याचे नाव आहे.
पाचोरा तालुक्यातील खेडगाव (नंदिचे) येथील अर्जुन फरगाडे (४२) हे दि.८ एप्रिल रोजी सायंकाळी ७ वाजेच्या सुमारास शेतातुन पायी घरी येत होते. जळगाव ते पाचोरा रस्त्यावर हाॅटेल पांडुरंग समोर ट्रॅक्टरने आनंदा फरगाडे यांना जोरदार धडक दिली.
या धडकेत आनंदा फरगाडे हे गंभीर जखमी झाल्याने रुग्णवाहिका चालक भागवत पाटील यांच्या मदतीने त्यांना तात्काळ पाचोरा येथील खाजगी रुग्णालयात दाखल केले. डॉक्टरांनी त्यांना मृत घोषित केले. संबंधित ट्रॅक्टर हे पाचोरा येथील असल्याचे ग्रामस्थांनी सांगितले .
या घटने प्रकरणी रात्री उशिरा अपघातीची नोंद करण्यात आली. मयत आनंदा फरगाडे यांचे पश्चात् आई, पत्नी, दोन मुले, असा परिवार असुन घराच कर्ता पुरुष गेल्याने फरगाडे कुटुंबियावर मोठा दुःखाचा डोंगर कोसळला आहे.
