सासऱ्याने आपल्या सुनेवर मदत करण्याच्या नावाखाली अत्याचार केल्याची धक्कादायक घटना समोर आली आहे. पीडिता तिच्या मद्यपी पतीवर खूप नाराज होती, त्यामुळे तिने सासऱ्यांकडे मदत मागितली होती. मदतीच्या नावाखाली सासऱ्यांनी तिला स्वतंत्र खोली भाड्याने दिली, त्यानंतर तिच्यावर अत्याचार केला. या प्रकरणी पोलिसांनी गुन्हा दाखल केला असून पुढील तपास सुरू आहे.
मिळालेल्या माहितीनुसार, हे संपूर्ण प्रकरण बडमल्हारा जिल्ह्यातील आहे. जिथे एका गावात राहणाऱ्या २६ वर्षीय सुनेवर तिच्याच सासरच्यांनी अत्याचार केला. पतीला मद्यपानाचे व्यसन असून, तो दररोज तिचा शारीरिक व मानसिक छळ करत असल्याचे पीडितेने पोलिसांत दिलेल्या तक्रारीत म्हटले आहे.
हताश झालेल्या पीडितेने सासरच्या मंडळींना सर्व प्रकार सांगितला. त्यानंतर सासरच्यांनी एक खोली भाड्याने दिली. धक्कादायक म्हणजे, सासरे आपल्या एका मित्रासह २६ नोव्हेंबरच्या रात्री तिच्या खोलीत पोहोचले. दरम्यान, सुनेला जीवे मारण्याची धमकी देऊन अत्याचार केला. पीडितेने पोलिसांना सांगितले की, आरोपी सासऱ्यांनी सहानुभूतीच्या नावाखाली यापूर्वीही तिच्यावर अत्याचार केला होता.
या प्रकरणी पीडितेच्या तक्रारीच्या आधारे गुन्हा दाखल करण्यात आला आहे. पोलीस सध्या आरोपीचा शोध घेत आहेत. त्यांना लवकरच अटक करण्यात येईल, असा दावा पोलिसांनी केला आहे. पोलीस सध्या या प्रकरणाच्या तपासात व्यस्त आहेत.
