पत्नीला पती आवडत नसल्याने त्याचा खून करून रेल्वे रुळावर फेकून दिल्याची धक्कादायक घटना समोर आली आहे. रेल्वे रुळावर तरुणाचा मृतदेह आढळून आल्यानंतर परिसरात खळबळ उडाली. ज्या ठिकाणी मृतदेह सापडला त्यापासून काही अंतरावर या तरुणाची दुचाकी रेल्वे ट्रॅकच्या बाजूला उभी होती. राजवीर कुमार (२४) असे या तरुणाचे नाव आहे. दरम्यान, तरुणाच्या कुटुंबीयांनी सासरच्या मंडळींवर सदर आरोप केला असून, घटनेचा पुढील तपास पोलीस करत आहेत.
मृतदेह आढळून आल्यानंतर गावकऱ्यांनी पोलिसांना माहिती दिली, त्यानंतर पोलीस घटनास्थळी पोहोचले, त्यांनी मृतदेह ताब्यात घेऊन पोस्टमार्टमसाठी रुग्णालयात पाठवला. यासोबतच तरुणाची मोटारसायकल जप्त करून पोलीस ठाण्यात नेण्यात आली.
मृत राजवीर कुमारचा विवाह 27 फेब्रुवारी 2023 रोजी गोरौल पोलीस स्टेशन क्षेत्रातील बहादूरपूर गावातील रहिवासी जालंधर सिंग यांची मुलगी निशा कुमारीसोबत झाला होता. लग्नानंतर काही दिवसांतच पती-पत्नीत भांडण सुरू झाले. मृताच्या नातेवाईकांनी सांगितले की, निशा कुमारीला राजवीर आवडत नव्हता. त्यामुळे तिचे पतीसोबत नेहमी भांडण होत असे आणि सासरच्या लोकांकडूनही तिचा छळ होत असे.
राजवीरचे मामा पवन कुमार यांनी सांगितले की, निशा कुमारीला तिच्या पतीसोबत राहायचे नव्हते. त्यामुळे तिने कुटुंबीयांसह कट रचून त्याची हत्या केली. पत्नीच्या हाकेवरच राजवीर सासरच्या घरी गेला होता. मृताच्या मामाने सांगितले की, पोलिसांनी तरुणाच्या हत्येच्या आरोपावरून राजवीरचे सासरे, सासू आणि पत्नीला अटक केली आहे.
गारौल पोलिस स्टेशनचे प्रभारी मनोज कुमार यांनी सांगितले की, युवकाचा मृतदेह रेल्वे रुळावर सापडला आहे. सासरच्या मंडळींवर खुनाचा आरोप कुटुंबीय करत आहेत. पोलीस या प्रकरणाचा तपास करत आहेत. शवविच्छेदन अहवाल आल्यानंतर मृत्यूचे नेमके कारण स्पष्ट होईल.
