IDBI बँकेने सहाय्यक व्यवस्थापक (ग्रेड-ए) च्या 600 पदांच्या भरतीसाठी इच्छुक आणि पात्र उमेदवारांकडून ऑनलाइन अर्ज मागवले आहेत. इच्छुक उमेदवार या पदांसाठी IDBI बँकेच्या अधिकृत वेबसाइट www.idbibank.in वर अर्ज करू शकतात. अर्जाची प्रक्रिया १७ फेब्रुवारी २०२३ पासून सुरू झाली आहे.
या पदांसाठी अर्ज करण्याची अंतिम तारीख २८ फेब्रुवारी २०२३ आहे. यासाठी ऑनलाइन परीक्षा एप्रिल 2023 मध्ये घेण्यात येणार आहे. एकूण 600 सहाय्यक व्यवस्थापक पदे भरण्याचे या भरती मोहिमेचे उद्दिष्ट आहे.
शैक्षणिक पात्रता :
मान्यताप्राप्त विद्यापीठातून / मान्यताप्राप्त विद्यापीठातील संस्थेतून पदवी. फक्त एकच डिप्लोमा कोर्स उत्तीर्ण झाल्यास पात्रता निकष पूर्ण केला जाणार नाही.
कामाचा अनुभव – बँकिंग वित्तीय सेवा आणि विमा क्षेत्रातील किमान 02 वर्षांचा अनुभव असावा.
वयोमर्यादा – अर्ज करणाऱ्या उमेदवाराची वयोमर्यादा 01 जानेवारी 2023 रोजी 21 ते 30 वर्षांच्या दरम्यान असावी.
अर्ज फी
SC/ST/PWD श्रेणीतील अर्जदारांना 200 रुपये शुल्क भरावे लागेल. तर इतर सर्व श्रेणीतील उमेदवारांसाठी 1000 रुपये शुल्क देय आहे.
याप्रमाणे अर्ज करा
सर्वप्रथम idbibank.in या अधिकृत वेबसाइटवर जा.
मुख्यपृष्ठावर, “करिअर” टॅबवर क्लिक करा.
“सहाय्यक व्यवस्थापकाची भरती (ग्रेड “A”) – 2023-24 अंतर्गत उपलब्ध असलेल्या अर्जाच्या लिंकवर क्लिक करा.
नोंदणी करा आणि अर्ज प्रक्रियेसह पुढे जा.
फॉर्म भरा, फी भरा आणि फॉर्म सबमिट करा.
डाउनलोड करा आणि भविष्यातील संदर्भासाठी प्रिंटआउट घ्या.
