ऑस्ट्रेलियाविरुद्ध पर्थ आणि मेलबर्नमध्ये झालेल्या कसोटी सामन्यांमध्ये पराभव झाल्यानंतर आता पाकिस्तानला शेवटचा सामना सिडनीमध्ये खेळायचा आहे. ३ जानेवारीपासून हा सामना सुरू होणार असून या सामन्यापूर्वीच पाकिस्तानचा कर्णधार शान मसूदने धक्कादायक निर्णय घेतला आहे.
पाकिस्तानने शाहीन आफ्रिदी आणि इमाम उल हक यांना प्लेइंग इलेव्हनमधून वगळले आहे. खराब फॉर्ममुळे इमाम उल हकला संघात स्थान मिळालेले नाही, तर शाहीन आफ्रिदीला विश्रांती घेण्यास सांगण्यात आले आहे. शान मसूदने सांगितले की, शाहीन आफ्रिदीने गेल्या एका वर्षात सर्वाधिक षटके टाकली आहेत आणि आता त्याला विश्रांतीची गरज आहे.
शाहीनसाठी 2023 कसे होते ?
2023 मध्ये शाहीनची कसोटी फॉरमॅटमध्ये कामगिरी खूपच खराब होती. या डावखुऱ्या गोलंदाजाने 4 कसोटी सामने खेळले आणि एकूण 14 विकेट्स त्याच्या नावावर आहेत. 2022 मध्येही त्याला 4 कसोटीत 13 बळी घेता आले होते. म्हणजे गेल्या दोन वर्षांत त्याची कामगिरी अशी नाही की तो प्लेइंग इलेव्हनमध्ये राहू शकेल. याशिवाय त्याचा वेगही बराच कमी झाला आहे. त्यामुळेच सिडनी कसोटीत त्याच्या जागी ऑफस्पिनर साजिद खानला संधी देण्यात आली आहे.
श्याम अय्युबची एंट्री
सिडनी कसोटीसाठी पाकिस्तानने २१ वर्षीय श्याम अयुबची निवड केली आहे. अलीकडेच या फलंदाजाने पाकिस्तान कपमध्ये चांगली फलंदाजी केली होती, त्यानंतर त्याला कसोटी संघात स्थान मिळाले.
पाकिस्तानचे प्लेइंग इलेव्हन – अब्दुल्ला शफीक, श्याम अय्युब, शान मसूद, बाबर आझम, सौद शकील, मोहम्मद रिझवान, सलमान अली आगा, साजिद खान, हसन अली, मीर हमजा, आमिर जमाल.
