टी-२० विश्वकरंडक स्पर्धेत साखळीत आव्हान संपुष्टात आलेल्या पाक संघावर चोहोबाजूने टीका होत आहे. आता संघाचे मुख्य प्रशिक्षक गॅरी कर्स्टन यांनी ड्रेसिंग रूमचा पर्दाफाश केला आहे. विखुरलेला संघ अशा शब्दात त्यांनी टीका केली आहे.
T20 विश्वचषक स्पर्धेतील पहिल्या 3 सामन्यांनंतर स्पर्धेतून बाहेर पडलेल्या पाकिस्तानी संघाने शेवटच्या सामन्यात आयर्लंडचा पराभव केला. पाकिस्तानने मोठ्या मुश्किलीने हा विजय मिळवला. 107 धावा करताना 7 विकेट गमावल्या. या सामन्याने संघाचा प्रवास संपला होता, अमेरिकेतून बाहेर पडताना मुख्य प्रशिक्षक कर्स्टन यांनी खेळाडूंना खडे बोल सुनावले.
पाकिस्तानी मीडिया रिपोर्ट्सनुसार, आयर्लंडवर विजय मिळवल्यानंतर गॅरी कर्स्टन आपल्या देशात दक्षिण आफ्रिकेत परतले, पण जाण्यापूर्वी त्यांनी बाबर आझम आणि त्यांच्या टीमला आरसा दाखवला. कर्स्टन यांनी पाकिस्तानी संघाबाबत उघड केलेले वास्तव आता सर्वांसमोर आले आहे. गॅरी कर्स्टन म्हणाले की, पाकिस्तानी खेळाडूंमध्ये खूप फूट आहे आणि संपूर्ण संघात एकजुटीचा अभाव आहे. या गोष्टी संघाला बरबाद करत आहेत.
असा संघ कधी पाहिला नाही
अहवालात असे सांगण्यात आले आहे की, हा केवळ नावाचा संघ आहे, पण त्यात एकतासारखा संघ नाही. गॅरी कर्स्टन म्हणाले की, प्रत्येक खेळाडू वेगळ्या मार्गाचा अवलंब करतो. कोणीही एकमेकांना समर्थन देत नाही. कर्स्टनने असेही सांगितले की, त्याने अनेक संघांसोबत काम केले आहे, परंतु अशी टीम यापूर्वी कुठेही पाहिली नाही. अनेक खेळाडूंना कर्णधारपद आणि उपकर्णधारपदाची हाव असते, असेही तो म्हणाला.
खेळाडूंमध्ये समजूतदारपणाचा अभाव
टी-20 विश्वचषकापूर्वी पाकिस्तानी संघाच्या प्रशिक्षकपदी निवड झालेल्या गॅरी कर्स्टन यांना सुमारे 3 आठवड्यांत पाकिस्तानी खेळाडूंचे सत्य दिसले. तो म्हणाला की खेळाडूंमध्ये केवळ कौशल्याचीच कमतरता नाही तर खेळाच्या जागरुकतेचाही अभाव आहे म्हणजेच सामन्यातील परिस्थिती समजून घेणे. कारण खेळाडूंना कोणता शॉट कधी खेळायचा हे माहित नसते. या सर्व गोष्टी मी आपल्या अहवालात लिहून पाकिस्तान क्रिकेट बोर्डाच्या प्रमुखांना पाठवणार असल्याचे त्यांनी सांगितले.
