उत्तर प्रदेशातील ग्रेटर नोएडा येथील एका खासगी विद्यापीठातील प्राध्यापकाला दुसरे लग्न करणे महागात पडले. बुलंदशहरमध्ये राहणाऱ्या पहिल्या पत्नीला तो वर्षभरापासून खोटे बोलत होता की, त्याला नोकरीतून सुट्टी मिळत नाही, त्यामुळे तो घरी येऊ शकला नाही. आणि तो नोएडामध्ये दुसऱ्या पत्नीसोबत राहत असताना मजा करत होता. वर्षभर सगळं नीट चाललं. पण त्याच्या पहिल्या पत्नीला त्याच्यावर संशय आला. ती अचानक त्याच्या नोएडातील घरी पोहोचली. तिथे पहिल्या पत्नीने पतीला दुसऱ्या महिलेसोबत पाहिले तेव्हा हाय व्होल्टेज ड्रामा सुरू झाला.
पहिल्या पत्नीने महिलेसोबत गोंधळ घातला आणि पतीला मारहाण केली. सध्या पोलिसांनी प्राध्यापक पतीला ताब्यात घेतले आहे. या प्रकरणाचा तपास सुरू आहे. मिळालेल्या माहितीनुसार, बुलंदशहर जिल्ह्यातील खुर्जा येथील रहिवासी असलेला एक व्यक्ती दानकौर भागातील एका विद्यापीठात प्राध्यापक म्हणून कार्यरत आहे.
2020 मध्ये त्याचा विवाह खुर्जातील एका महिलेशी झाला होता. या जोडप्याला एक मूलही होते. सर्व काही सुरळीत चालले होते पण दरम्यान, गेल्या एक वर्षापासून प्रोफेसरने घरी म्हणजेच बुलंदशहरला येणे बंद केले. रजा न मिळाल्याबद्दल तो दरवेळी सबबी सांगू लागला. सुरुवातीला पत्नीला वाटले की आपल्या पतीला खरोखरच सुट्टी मिळत नाही. मात्र नंतर काही अज्ञात कारणामुळे तिला पतीवर संशय आला.
यानंतर प्राध्यापकाच्या पत्नीसह त्यांच्या कुटुंबीयांनी त्याचा शोध सुरू केला. पण तो पुन्हा पुन्हा खोली बदलायचा. गेल्या बुधवारी त्याची पत्नी व मेहुणी व इतर कुटुंबीय शोध घेत त्याच्या नवीन पत्त्यावर पोहोचले. तिथले दृश्य पाहून सर्वांची तारांबळ उडाली. प्राध्यापकाने पुन्हा लग्न केल्याचे समोर आले.
