‘प्लीज पप्पा, मम्मीला सोडा’… क्रूर नवऱ्याने मुलांसमोर केली हत्या

मध्य प्रदेशातील शिवपुरी जिल्ह्यात एक धक्कादायक घटना समोर आली आहे. येथे बामौरकला पोलीस स्टेशन हद्दीतील खिरिया गावात एका व्यक्तीने आपल्या पत्नीच्या डोक्यात धारदार शस्त्राने वार करून मुलांसमोरच तिची हत्या केली. घटना घडली त्यावेळी मुले आईचा जीव वाचवण्याची विनवणी करत होती, मात्र वडिलांनी त्यांचे ऐकले नाही आणि पत्नीची निर्घृण हत्या केली. सध्या पोलिसांनी आरोपी पतीला अटक करून खुनाच्या कलमान्वये गुन्हा दाखल केला आहे.