पश्चिम बंगालच्या भूपतीनगरमध्ये करण्यात आलेल्या कारवाई आणि त्यानंतर टीएमसी नेत्यांनी केलेल्या विनयभंगाच्या आरोपांवर आता राष्ट्रीय तपास संस्थेचे म्हणजेच NIA चे वक्तव्य समोर आले आहे. या प्रकरणी कायद्यानुसार कारवाई करण्यात आल्याचे एनआयएने म्हटले आहे. विनयभंगाचे आरोप फेटाळून लावत एनआयएने या संदर्भात निर्माण झालेला वाद दुर्दैवी असल्याचे म्हटले आहे. एनआयए टीमवरील हल्ल्यानंतर त्यांनी उचललेली पावले केवळ प्रामाणिकच नाहीत तर कायदेशीरही आहेत, असे तपास यंत्रणेने म्हटले आहे.
