लोकसभा निवडणुकीपूर्वी गुरुवारी राजस्थानमधील करौली येथे झालेल्या सभेत पंतप्रधान नरेंद्र मोदी यांनी विरोधकांवर हल्लाबोल केला. भ्रष्टाचाऱ्यांना तुरुंगात जावे लागणार असून, कोणत्याही धमक्यांना घाबरणार नाही, असेही ते म्हणाले. राज्यातच नव्हे तर संपूर्ण देशात भ्रष्टाचाऱ्यांवर कठोर कारवाई केली जात आहे. त्यामुळेच विरोधकांनी आपल्या विरोधात इंडिया आघाडी स्थापन केल्याचे ते म्हणाले.
