जालना : जालना शहरातील सिंचन वसाहतीतून ३ लहान मुले बेपत्ता झाली आहेत. त्यांना फूस लावून पळवून नेल्याची तक्रार कदीम जालाना पोलीस ठाण्यात दिली आहे. अंकित जाधव(१५), स्वराज मापारी (१४), हर्षद देवकर (१४) अशी बेपत्ता झालेल्या तिन्हीही मुलांची नावं आहेत. ही तिन्ही मुलांना अज्ञाताने स्कुटीवर बसवून फूस लावून पळवून नेल्याची तक्रार करण्यात आली आहे.
या तीन मुलांपैकी स्वराज मापारी मुलाने बेपत्ता झाल्यावर स्नॅपचॅटवरून मॅसेज करून मी जिथे आहे तिथे ठीक आहे. सक्सेसफुल झाल्यानंतर परत येईन असा मेसेज केला आहे. तसेच बेपत्ता झालेल्या मुलांपैकी अंकित याने जाण्यापूर्वी घराच्या दरवाजावर चिट्ठी लिहून ठेवलीय. “मम्मी -पप्पा तुम्ही हे लेटर वाचेपर्यंत वेळ निघून गेलेली असेल. मला शोधण्याचा प्रयत्न करू नका”, असं अंकितने चिट्ठीत लिहून ठेवलंय. तरी या प्रकरणी पोलीस अधिक तपास करतायत.
