….म्हणून उद्धव ठाकरेंना पक्षप्रमुख म्हटलं जात होतं

देवदत्त कामत – एकनाथ शिंदे हे केव्हा आणि कसे नेते बनले, याची आपल्याला कल्पना नाही असे आपल्याला म्हणायचे आहे का?

उदय सामंत : कल्पना नाही.

देवदत्त कामत – तुम्ही म्हटला की पक्षाचे लोकप्रतिनिधी एकनाथ शिंदे यांच्याकडे तक्रारी मांडत होते. हा कुठला काळ होता?

उदय सामंत – तसं बरंच वर्षांपासून पण आता आठवत नाही.

देवदत्त कामत – शिवसेनेचे नेते एकनाथ शिंदे असं तुम्ही म्हणत आहात, तेव्हा ते शिवसेनेचे एकमेव नेते आहेत की अनेकांपैकी एक आहेत?

उदय सामंत – सुरुवातीच्या उत्तरात शिवसेना नेत्यांची नावं सांगितली होती. त्यात एकनाथ शिंदे यांचंही नाव होतं. 2004 रोजी मी जेव्हा विधानसभेचा सदस्य झालो. त्यावेळी पासून ते शिवसेनेत आहे.

देवदत्त कामत – शिवसेना पक्षात नेते पदाच्या निवडीसाठी काही प्रक्रिया आहे का?

उदय सामंत – मला हे माहिती नाही.

देवदत्त कामत – मी तुम्हाला सांगू इच्छितो की तुम्ही रेकॉर्डवर कोणतंही डॉक्युमेंट सबमीट केलेलं नाही, ते जे सांगू शकेल की 2018 च्या आधी एकनाथ शिंदे हे शिवसेना राजकीय पक्षाचे नेते होते. हे बरोबर आहे का?

उदय सामंत – हे चूक आहे.

देवदत्त कामत – 23 जानेवारी 2018 रोजी उद्धव ठाकरे यांनी एकनाथ शिंदे यांना शिवसेनेचे नेते केलं. हे बरोबर आहे का?

उदय सामंत – मला आठवत नाही.

देवदत्त कामत – क्रमांक 56 चे उत्तर देताना तुम्ही म्हटलंय की “we address Uddhav Thackeray as Paksha pramukh.”. ‘पक्ष प्रमुख’ हा शब्द कुठून घेतला?

उदय सामंत – काही नेते मंडळींची इच्छा होती आणि आदरापोटी सर्वांनी ते उचलून धरले.