जळगाव । जळगाव जिल्ह्यातील दोन्ही लोकसभा मतदारसंघात महायुतीकडून भाजपने उमेदवार जाहीर केले असून रावेरमधून विद्यमान खासदार रक्षा खडसे तर जळगावमधून स्मिता वाघ यांना उमेदवारी देण्यात आलीय. मात्र दुसरीकडे महाविकास आघाडीकडून रावेर व जळगाव या दोन्ही जागांसाठी उमेदवाराच्या नावावर खल सुरू आहे. यातच रावेरमधून रक्षा खडसे यांच्याविरोधात रोहिणी खडसेंनी लढण्यास नकार दिला आहे. यामुळे आता रावेरमध्ये शरद पवार गटाकडून कोणाला उमेदवारी दिली जाते याकडे लक्ष लागले आहे. दरम्यान, शुक्रवारी भुसावळचे माजी आमदार संतोष चौधरी यांनी शरद पवारांची भेट घेत उमेदवारी करण्याची इच्छा व्यक्त केली. ज्ञानेश्वर बढे यांच्या पत्नी डॉ. तृप्ती बढे यांच्या नावावरही पक्षाने विचार सुरू केला आहे. दरम्यान, आज शनिवारच्या पक्षाच्या बैठकीत त्यावर निर्णय होण्याची शक्यता आहे.
भाजपच्या महिला उमेदवाराच्या विरोधात महिलेलाच रिंगणात उत्तरविल्यास तुल्यबळ लढत होऊ शकते, असा विचार करून शरद पवारांकडून महिला उमेदवार दिला जाण्याची शक्यता आहे. त्यामुळे गुंतवणूक सल्लागार ज्ञानेश्वर बढे यांच्या पत्नी डॉ. तृप्ती बढ़े यांचे नाव शुक्रवारी अचानक पुढे आले. शिवाय, राष्ट्रवादी काँग्रेसचे माजी आमदार संतोष चौधरी यांनीही शरद पवार यांची भेट घेत उमेदवारीसाठी तयारी दाखवली आहे.
जिल्हाध्यक्ष अॅड. रवींद्र पाटील यांच्यापेक्षा हे रावेर मतदारसंघासाठी राष्ट्रवादी काँग्रेसला (शरदचंद्र पवार गट) लेवा समाजातीलच एखाद्या नव्या चेहऱ्याची प्रतिक्षा होती. त्या दृष्टीने चाचपणी दोन दिवसांपासून सुरू होती. शुक्रवारी मुंबईत राष्ट्रवादीच्या शरद पवार गटाची बैठक झाली. यावेळी माजी आमदार संतोष चौधरी, माजी जिल्हा परिषद सदस्य रवींद्र नाना पाटील यांनी शरद पवारांची भेट घेत निवडणूक लढण्याची इच्छा व्यक्त केली आहे. शनिवारी डॉ. तृप्ती बढे या देखील शरद पवार यांच्या भेटीसाठी जाण्याची शक्यता
