जादूटोण्याचे आरोप करत असल्याच्या कारणावरून मोठ्या भाऊने लहान्याला कुऱ्हाडीने वार करून संपवले. या घटनेनं सर्वत्र खळबळ उडाली आहे. घटनेनंतर आरोपी स्वत: 12 किमी चालत पोलीस ठाण्यात आला आणि पोलिसांसमोर आत्मसमर्पण केले. त्याचा लहान भाऊ, पत्नी आणि सुनेवर जादूटोण्याचे आरोप करत असल्याचे सांगितले.
पोलिसांनी दिलेल्या माहितीनुसार, शाहडोलच्या जैतपूर पोलीस स्टेशन हद्दीतील पटेरा गावात ही घटना घडली. या गावात राहणारे शंकर सिंह आणि त्यांचा भाऊ रामसिंग यांच्यात काही वाद सुरू होता.
आरोपी शंकर सिंहने पोलिस चौकशीत सांगितले की, रामसिंगने गावातील एका व्यक्तीशी त्याच्याबद्दल वाईट बोलले होते. पत्नी आणि सून जादूटोणा करतात, असे सांगितले. त्याच्या जादूटोण्यामुळे राम सिंहची पत्नी, सून आणि एक बैल मरण पावला.
आरोपीने सांगितले की, त्या व्यक्तीने लगेच येऊन हा प्रकार सांगितला. त्यांनतर रामसिंगच्या शोधात कुऱ्हाड घेऊन निघाल्याचे त्याने सांगितले. त्याने सांगितले की, जेव्हा त्याने रामसिंगला रस्त्याच्या दुतर्फा येताना पाहिले तेव्हा त्याने कुऱ्हाडीने वार करून त्याची हत्या केली. यानंतर त्याने स्वतः पायीच पोलीस ठाणे गाठून आत्मसमर्पण केले.
या घटनेची कबुली देत आरोपीने पोलिसांना लेखी जबाब दिला आहे. दुसरीकडे, चौकी प्रभारी राजकुमार सिंह यांनी सांगितले की, दोन्ही भावांमध्ये जादूटोण्यावरून आधीच वाद सुरू होता. त्यांच्यात अनेक भांडण झाले होते. सध्या पोलीस या संपूर्ण प्रकरणाचा तपास करत आहेत.
