Crime News : शाळेत शिकवायला येणारा शिक्षक पेन सोबत बंदूक घेऊन येतो. त्यानंतर कॅम्पसमध्ये दुसऱ्या शिक्षकावर गोळीबार करतो. ही कथा चित्रपटांची नसून वास्तविक जीवनातील आहे. झारखंडच्या गोड्डा जिल्ह्यातील एका सरकारी शाळेत झालेल्या गोळीबारात दोन शिक्षकांचा मृत्यू झाला आहे. शाळेतील आरोपी शिक्षकानेही स्वत:वर गोळी झाडली आहे. गोळी लागल्याने शिक्षक गंभीर जखमी झाला आहे. गोळीबाराची ही घटना पोडैयाहाट भागातील हायस्कूलमध्ये घडली आहे.
मिळालेल्या माहितीनुसार, दुहेरी हत्याकांडाचे हे प्रकरण त्रिकोणी प्रेमप्रकरणातून घडले आहे. हत्येतील आरोपी रवीचे मृत शिक्षिका सुनीता देवीसोबत प्रेमसंबंध होते. गेल्या काही दिवसांपासून सुनीता देवी यांचे याच शाळेतील आणखी एक शिक्षक आदर्श कुमारसोबत प्रेमसंबंध सुरू होते. सुनीता आणि आदर्श यांच्यातील वाढती जवळीक पाहून रवीला राग आला आणि रागाच्या भरात त्याने हे पाऊल उचलले.
दोघांची हत्या केल्यानंतर आरोपी शिक्षकाने आत्महत्येच्या उद्देशाने स्वतःवर गोळी झाडून घेतली. येथे शाळेच्या वाचनालयात गोळीबार आणि दुहेरी हत्याकांडाच्या वृत्ताने खळबळ उडाली. स्थानिक लोकांकडून माहिती मिळाल्यानंतर पोडय्याहाट पोलीस ठाण्याचे पोलीस घटनास्थळी पोहोचले आणि त्यांनी गंभीर जखमी शिक्षा रवी रंजनला उत्तम उपचारासाठी सामुदायिक आरोग्य केंद्रात नेले. यासोबतच दोन्ही मृतांचे मृतदेह ताब्यात घेतल्यानंतर पोलिसांनी या प्रकरणाचा तपास सुरू केला आहे.
