लोकसभा निवडणुकीसाठी समाजवादी पक्षाने आणखी एक यादी जाहीर केली आहे. पक्षाने आपल्या सहाव्या यादीत एकूण 6 उमेदवारांची नावे जाहीर केली आहेत. या सहा उमेदवारांमध्ये सपाने संभलमधून झियाउर रहमान बुर्के, घोसीमधून राजीव राय, बागपतमधून मनोज चौधरी, गौतम बुद्ध नगर (नोएडा)मधून राहुल अवान, पिलीभीतमधून भागवत सरन गंगवार आणि मिर्झापूरमधून राजेंद्र एस बिंद यांना तिकीट दिले आहे.
आतापर्यंत पक्षाने एकूण ४३ नावे जाहीर केली असून, सहावी यादी जाहीर झाल्यानंतर एकूण उमेदवारांची संख्या ४९ झाली आहे. याआधीच्या यादीत पक्षाने बहुचर्चित आझमगड या जागेवरून धर्मेंद्र यादव यांना तिकीट दिले होते. या जागेवरून ते भाजपच्या तिकिटावर निरहुआ यांच्या विरोधात निवडणूक लढवणार आहेत.
