नवी दिल्ली : शिक्षण मंत्रालयाकडून शैक्षणिक क्षेत्रात सातत्याने बदल करण्यात येत असून अशातच आता केंद्रीय शिक्षण मंत्रालयाने आज शालेय शिक्षण-परीक्षेसंदर्भात महत्त्वपूर्ण घोषणा केली आहे.
राष्ट्रीय शैक्षणिक धोरण 2020 च्या तरतुदींची अंमलबजावणी करताना या घोषणा करण्यात आल्या आहेत. त्यानुसार आता बोर्डाच्या परीक्षा वर्षातून दोनदा घेतल्या जाणार आहेत. ज्यामध्ये विद्यार्थ्यांना पर्याय असेल की ते दोन्ही सत्रांच्या परीक्षेतील सर्वोत्तम गुणांना अंतिम मानू शकतात.
बोर्डाच्या परीक्षा वर्षातून एकदाच सर्व मंडळांकडून घेतल्या जातात. शिक्षण मंत्रालयाच्या नवीन परीक्षा पॅटर्नवर आधारित बोर्ड परीक्षांमधून विद्यार्थ्यांच्या विषयांबाबतची समज आणि स्पर्धात्मक कामगिरीचे मूल्यमापन केले जाईल. तसेच वर्गातील कॉपीला ‘कव्हर’ करण्याची सध्याची प्रथा टाळली जाईल. तसेच कॉपीची किंमत ऑप्टिमाइझ केली जाईल. तसेच, शाळा मंडळे योग्य वेळी ‘मागणीनुसार’ परीक्षा देण्याची क्षमता विकसित करतील.
त्याचसोबत 11वी आणि 12वीच्या अभ्यासक्रमातही बदल करण्यात आले आहेत. तसंच, विद्यार्थ्यांना दोन्ही सेमिस्टरचे सर्वोत्तम गुण निवडण्याची परवानगी दिली जाईल.
शिक्षण मंत्रालयाने केलेल्या बदलांनुसार, इयत्ता 11वी आणि 12वीच्या विद्यार्थ्यांना प्रवाह निवडण्याची सक्ती आता काढून टाकण्यात आली आहे. आता या वर्गांमध्ये विद्यार्थ्यांना त्यांच्या आवडीचे विषय निवडता येणार आहेत. याशिवाय 11वी आणि 12वीच्या वर्गात विद्यार्थ्यांना दोन भाषांचा अभ्यास करावा लागेल, किमान एक भाषा भारतीय असली पाहिजे, असेही शिक्षण मंत्रालयाने म्हटले आहे. 2024 मध्ये पाठ्यपुस्तके विकसित केली जातील. सद्यस्थितीत सर्व मंडळांच्या अभ्यासक्रमानुसार विद्यार्थ्यांना विज्ञान, वाणिज्य, कला, व्यावसायिक इत्यादींपैकी कोणताही एक विषय निवडायचा आहे.
