मुंबई । दागिने खरेदी करणाऱ्यांना दिलासा देणारी बातमी आहे. सोन्या-चांदीच्या दरात सलग दुसऱ्या दिवशी घसरण सुरूच आहे. जागतिक बाजारात सोन्या-चांदीच्या किमतींवर दबाव असल्याने देशांतर्गत बाजारात सोने स्वस्त होत आहे.
मल्टी कमोडिटी एक्सचेंज (MCX गोल्ड प्राइस) वर आज सोन्याचा भाव 59500 रुपये प्रति 10 ग्रॅमच्या खाली आहे. त्याचबरोबर आज चांदी 73000 च्या वर दिसत आहे. तुमचीही सोने किंवा चांदी खरेदी करण्याची योजना असेल, तर त्याआधी आजचे दर नक्की पहा.
MCX सोने-चांदीची किंमत
बुधवारी मल्टी कमोडिटी एक्सचेंजवर आज सोन्याचा दर 0.03 टक्क्यांच्या घसरणीसह 59227 रुपये प्रति 10 ग्रॅमच्या पातळीवर व्यवहार करत आहे. याशिवाय चांदी 0.04 टक्क्यांनी घसरून 73419 रुपये प्रति किलोच्या पातळीवर आहे.
आंतरराष्ट्रीय बाजारात किंमत किती आहे?
जागतिक बाजाराबाबत बोलायचे झाले तर आज सोन्या-चांदीच्या दरात स्थिरता आहे. कोमॅक्सवर सोने 1950 डॉलर प्रति औंसच्या पातळीवर व्यवहार करत आहे. याशिवाय, चांदीची किंमत प्रति औंस $ 23.89 आहे. रोखे उत्पन्न आणि डॉलर निर्देशांकामुळे सराफा बाजारात दबाव दिसून येत आहे.
