सोन्याचा भाव बुधवारी संध्याकाळी ६० हजारांच्या पुढे गेला होता, २४ तासांत ही किंमत कमी झाली, यावर कोणाचाही विश्वास बसला नसेल. आज सकाळी बाजार उघडला तेव्हा सोन्याची सुरुवात 350 रुपयांच्या घसरणीने झाली. व्यवहारादरम्यान सोन्याने एकदा 60 हजार रुपयांची पातळी गाठली होती, मात्र नंतर तो खाली आला.
तज्ज्ञांच्या मते, सोन्याच्या गुंतवणूकदारांकडून किंचित प्रॉफिट बुकींग आहे, त्यामुळे थोडीशी घसरण दिसून येत आहे. तथापि, इस्रायल-हमास युद्धाचा ट्रिगर अजूनही कायम आहे. पाश्चात्य नेत्यांकडून सातत्याने येत असलेल्या वक्तव्यांमुळे मध्यपूर्वेत सातत्याने तणाव वाढत आहे. त्यामुळे काही वेळा सोन्याचे भाव वाढू शकतात. सध्या सोनं किती स्वस्त झालंय तेही पाहूया.
मल्टी कमोडिटी एक्स्चेंजवर सोन्याच्या किमतीत थोडीशी घसरण दिसून येत आहे. गुरुवारी संध्याकाळी साडेचार वाजता सोन्याचा भाव 108 रुपयांनी घसरून 59965 रुपये प्रति दहा ग्रॅमवर होता. तर आज सोन्याचा भाव 350 रुपयांच्या घसरणीसह 59,720 रुपयांवर उघडला. एक दिवसापूर्वी सायंकाळी सोन्याचा भाव ६० हजार रुपयांच्या पुढे गेला होता. त्यानंतर रात्री उशिरा बाजार बंद भाव 60,073 रुपये प्रति दहा ग्रॅमवर आला.
