‘या ‘ ट्रेनला ‘संविधान एक्सप्रेस’ नाव देण्याची मागणी

जळगाव : दरवर्षी 26 नोव्हेंबरला भारतात संविधान दिवस मनवला जातो. त्या अनुषंगाने येणारा संविधान दिवसाला 76 वर्ष पूर्ण होत आहे. त्यानिमित्त ट्रेनला नवीन अथवा कोणत्याही एक्सप्रेसला ‘संविधान एक्सप्रेस’ नाव देण्यात यावे अशी मागणी महामानव डॉ. बाबासाहेब आंबेडकर सार्वजनिक उत्सव समिती व सकल बौद्ध समाजातर्फे करण्यात आली. यासंदर्भातील निवेदन खासदार स्मिता वाघ यांना सोमवार (२२ सप्टेंबर ) देण्यात आले.

भारतात शेकडो रेल्वे एक्सप्रेस चालत असतात विदर्भ एक्सप्रेस, हावडा दुरांतो, गरीब रथ अश्या तत्सम प्रकारच्या कोणत्याही रेल्वेला संविधान एक्सप्रेस हे नाव द्याव जेणेकरून भारतातील पहिली सविधान एक्सप्रेस नावाने सुरू होईल. भारत हा देश संविधानाने चालतो. त्या संविधानाचे नाव भारतीय रेल्वेला “संविधान एक्सप्रेस “हे नाव देण्यात यावे.

आगामी 26 नोव्हेंबर रोजी संविधानाला 76 वर्ष पूर्ण होत आहे या 76 व्या वर्षी रेल्वेला “संविधान एक्सप्रेस” नाव मिळावे अशी मागणी करण्यात आली. यावेळी खासदार स्मिता वाघ यांनी याबद्दल हिवाळी अधिवेशनात हा विषय मार्गी लावू असे आश्वासित केले .त्यानिमित्त महामानव डॉक्टर बाबासाहेब आंबेडकर सार्वजनिक उत्सव समिती अध्यक्ष आशिष सपकाळे तसेच आजाद समाज पार्टीचे जिल्हाध्यक्ष सतीश गायकवाड, सचिव तृषाल सोनवणे, विजय सुरवाडे, कार्याध्यक्ष सचिन सरकटे, उपाध्यक्ष भारती रंधे, नीलू इंगळे, राजू डोंगरे, प्रकाश सोनवणे व समस्त समाज बांधव उपस्थित होते.