मुंबई : माध्यमिक व उच्च माध्यमिक शिक्षण मंडळाकडून घेतल्या जाणाऱ्या १०वी आणि १२वी बोर्डाच्या परीक्षा अवघ्या काही दिवसांवर येऊन ठेपल्या आहे. अशातच बोर्डाने एक मोठा निर्णय घेतला असून आहे. दहावी बारावी बोर्ड परीक्षेत प्रत्येक पेपरच्या निर्धारित वेळेनंतर दहा मिनिटे परीक्षेसाठी वाढून मिळणार आहे. संदर्भातील सुधारणा बोर्डाने परिपत्रक काढून जारी केले आहेत.
याआधी दहावी बारावी बोर्ड परीक्षेमध्ये प्रश्नपत्रिका निर्धारित वेळेच्या दहा मिनिटे आधी आकलनासाठी वाचनासाठी दिल्या जात होत्या. मात्र यामुळे कॉपीच्या घटना समोर येत असल्याने दहा मिनिटे आधी प्रश्नपत्रिका देण्याचा नियम बोर्डाने या वर्षीपासून रद्द केला आहे. त्यामुळे पेपरच्या आधीची दहा मिनिटे प्रश्नपत्रिकेसाठी दिली जात नसल्याने पेपरच्या नंतर दहा मिनिटे बोर्डाने वाढवून द्यावी अशा प्रकारची मागणी विद्यार्थी-पालकांनी केली होती आणि त्यानंतर ही मागणी मान्य करत बोर्डाच्या पेपरच्या निर्धारित वेळेच्या नंतर दहा मिनिटे विद्यार्थ्यांना वाढवून दिली जाणार आहेत
या संदर्भातील सुधारणा बोर्डाने परिपत्रक काढून जारी केले आहेत. त्यानुसार आता, निर्धारीत वेळेनंतर 10 मिनिटे वाढवून दिली जाणार आहेत.
परीक्षेची सध्याची वेळ सकाळी 11 ते दुपारी 2
*परीक्षेची सुधारित वेळ सकाळी 11 ते दुपारी 2:10 वाजेपर्यंत
परीक्षेची सध्याची वेळ सकाळी- 11 ते दुपारी 1 वाजेपर्यत
परीक्षेची सुधारित वेळ सकाळी 11 ते दुपारी 1:10 वाजेपर्यत
परीक्षेची सध्याची वेळ -सकाळी 11 ते दुपारी 1:30 वाजेपर्यंत
सुधारित वेळ सकाळी 11 ते दुपारी 1:40 वाजेपर्यंत
दुपारच्या सत्रामध्ये सुधारित वेळापत्रक
परीक्षेची सध्याची वेळ -दुपारी 3 ते सायंकाळी 6 वाजेपर्यंत
सुधारित वेळ दुपारी तीन ते सायंकाळी 6:10 वाजेपर्यंत
परीक्षेची सध्याची वेळ दुपारी 3 ते सायंकाळी 5 वाजेपर्यत
सुधारित वेळ दुपारी 3 ते सायंकाळी 5:10 वाजेपर्यंत
परीक्षेची सध्याची वेळ दुपारी 3 ते सायंकाळी 5:30 वाजेपर्यंत
सुधारित वेळ दुपारी 3 ते सायंकाळी 5:40 वाजेपर्यंत
