जळगाव : सन २०२२ मधील नोव्हेंबर महिना संपत आला असून महिनाभरानंतर २०२३ या नव्या वर्षाची सुरुवात होणार आहे. २०२३ हे वर्ष पाच राशीच्या लोकांसाठी खूप लाभदायी व फलदायी ठरणारं आहे. या वर्षात पाच राशीच्या लोकांना यश व पैसा मिळणार आहे. ज्योतिषशास्त्रानुसार ही भाग्यवान लोकं कोण आहेत? हे आज आपण जाणून घेणार आहोत.
वृषभ
२०२३ हे वर्ष वृषभ राशीच्या व्यक्तींसाठी उत्तम जाणार आहे. या राशीच्या लोकांना करिअरमध्ये बढतीच्या नवनवीन संधी मिळतील तसेच त्यांचे उत्पन्न वाढेल. व्यापारामध्ये भरपूर लाभ होईल, अविवाहितांचे विवाह ठरतील. मात्र आरोग्याची काळजी घेणे आवश्यक ठरेल. नव्या मालमत्तेचे मालक होऊ शकता.
सिंह
शनी गोचरमुळे सिंह राशीच्या व्यक्तींना नव वर्षाच्या सुरुवातीपासूनच लाभ मिळणे सुरू होईल. वर्षाची सुरुवात कुठल्यातरी मोठ्या यशाने होऊ शकते. प्रत्येक कामामध्ये भाग्याची साथ मिळेल. पगारवाढीचे योग आहेत. एकापाठोपाठ एक आर्थिक लाभ होतील. व्यापार वेगाने वाढेल. सरकारी क्षेत्रातील संबंधित लोकांसाठी एप्रिलपासून चांगला काळ सुरू होईल.
तूळ
सन २०२३ मध्ये तूळ राशीच्या व्यक्तींचा भाग्योदय होऊ शकतो. वर्षाच्या सुरुवातीलाच कुठलीतरी दिलासादायक बातमी मिळेल. कुठल्याही समस्येचा शेवट होईल. आर्थिक स्थिती सुधारेल. गुंतवणुकीसाठी वेळ चांगली आहे. मात्र जोखमीची गुंतवणूक वर्षाच्या दुसर्‍या भागातच करा. कौटुंबिक जीवनही चांगलं राहील.
वृश्चिक
वृश्चिक राशीच्या व्यक्तींसाठी सन २०२३ हे पूर्ण वर्ष सुरेख राहणार आहे. हे वर्ष त्यांना प्रगती, पैसा, सूख सारं काही देईल. विशेषकरून वर्षाच्या सुरुवातीचे महिने हे खूप शुभ असतील. उत्पन्न वाढेल. मात्र त्याबरोबरच खर्चही वाढतील. गुंतवणूक अवश्य करा. नोकरी व्यवसायासाठी २०२३ हे वर्ष चांगलं राहील.
कुंभ
संपत्तीच्या बाबतीत २०२३ मध्ये चढ उतार होत राहतील. मात्र त्याचा शेवट लाभ देऊनच होईल. उत्पन्न वाढेल. तसेच तुम्ही आर्थिक बाबी व्यवस्थित नियंत्रित केल्या तर तुमच्याकडे भरपूर बँक बॅलन्स जमा होईल. करिरच्या दृष्टीने हा काळ चांगला आहे. कुटुंबात सूख राहील. तसेच प्रवास अविस्मरणीय होईल.
