जिल्हा परिषदेत ५ महिन्यात २०७ कर्मचाऱ्यांना पदोन्नती

जळगाव : जिल्हा परिषद जळगाव अंतर्गत कार्यरत विविध संवर्गातील एकूण २०७ कर्मचाऱ्यांना मुख्य कार्यकारी अधिकारी मिनल करनवाल यांनी पदोन्नती दिली आहे. त्यांनी मार्च २०२५ मध्ये जळगाव जिल्हापरिषदेचे धुरा संभाळल्यानंतर फक्त पाच महिन्याचा अल्पकाळात पदोन्नती लाभ देण्यात आला आहे.

ही पदोन्नती प्रक्रिया जिल्हा परिषदेत समुपदेशन पद्धतीने राबविण्यात आली. तसेच संपूर्ण प्रक्रिया पारदर्शक ठेवण्यात आली हे विशेष आहे. पदोन्नतीसंदर्भातील सर्व बैठकांचे व्हिडिओ रेकॉर्डिंग देखील करण्यात आले असून ही संपूर्ण प्रक्रिया जिल्हा परिषदेच्या इतिहासातील एक आदर्श व अभिनव पाऊल ठरली आहे.

न्याय्य २०७ कर्मचारी विविध संवर्गामध्ये या कालावधीत पदोन्नत्या देण्यात आल्या आहेत. प्रथमच इतक्या मोठ्या प्रमाणात पदोन्नतीची प्रक्रिया कमी कालावधीत पूर्ण झाली. समुपदेशन पद्धतीचा अवलंब करून कर्मचाऱ्यांना आत्मविश्वास देणारी कार्यपद्धती राबविण्यात आली. प्रत्येक टप्प्यावर पारदर्शकता राखण्यासाठी व्हिडिओ रेकॉर्डिंग करण्यात आले. अधिकारी-कर्मचारी वर्गामध्ये समाधान व प्रोत्साहनाची भावना निर्माण या पदोन्नती प्रक्रियेने जिल्हा परिषद प्रशासनातील कार्यक्षमता वाढविणे, कर्मचारी वर्गाचा मनोबल उंचावणे व कार्यक्षेत्रात स्थिरता निर्माण करणे या दृष्टीने मोठे पाऊल उचलले गेले आहे.

अशी आहे विभागनिहाय पदोन्नती…..

बांधकाम विभाग- ११, ग्रामपंचायत विभाग, कृषी विभाग ५, आरोग्य विभाग ६३, पशुसंवर्धन विभाग ०७, अर्थ विभाग १४, सामान्य प्रशासन विभाग ३, शिक्षण विभाग ९३ कर्मचाऱ्यांना पदोन्नत्या देण्यात आल्या आहेत. पदोन्नती मधे अर्थ विभाग सहाय्यक लेखाधिकारी, वरिष्ठ सहाय्यक लेखा, कनिष्ठ लेखाधिकारी इत्यादी पदे, बांधकाम विभागातील कनिष्ठ अभियंता, आरोग्य विभागातील आरोग्य सेवक, आरोग्य सहाय्यक, आरोग्य सेविका, आरोग्य सहाय्यका, पशूसंवर्धन विभागातील वर्णपचारक, पशुधन पर्यवेक्षक, ग्रामपंचायत विभागातील विस्तार अधिकारी, कृषी विभागातील विस्तार अधिकारी, शिक्षण विभागाकडील ग्रेडेड मुख्याध्यापक, विस्तार अधिकारी, केंद्र प्रमुख, सामान्य प्रशासन विभागातील सहाय्यक प्रशासन अधिकारी, वरिष्ठ सहाय्यक, या संवर्गातील अधिकारी तसेच कर्मचारी यांना पदोन्नतीचा लाभ देण्यात आला आहे.