---Advertisement---
नवी दिल्ली : उपराष्ट्रपती जगदीश धनखड यांनी राजीनामा दिला आहे. त्यांच्या रिक्त झालेल्या उपराष्ट्रपती पदासाठी निवडणूक होत आहे. या निवडणुकीत एनडीए आणि इंडिया अलायन्सचे उमेदवार रिंगणात आहेत. या प्रमुख उमेदवाराव्यतिरिक्त ६८ इतर नामांकन दाखल केले असून यातील केवळ दोन नामांकन वैध ठरले आहेत. या नामांकनांच्या छाननीदरम्यान, बनावट स्वाक्षरीचा एक प्रकार उघड झाला आहे.
बनावट स्वाक्षरीचा प्रकार केरळच्या जोमोन जोसेफ यांच्या नामांकनात आढळून आला. नामांकनाची २१ ऑगस्ट ही शेवटची तारीख होती. आजपर्यंत ४६ उमेदवारांनी ६८ नामांकन अर्ज दाखल केले होते. सुरुवातीला १९ उमेदवारांचे २८ नामांकन नाकारण्यात आले. उर्वरित २७ उमेदवारांच्या ४० नामांकनांची छाननी २२ ऑगस्ट रोजी करण्यात आली. २५ ऑगस्टपर्यंत नावे मागे घेता येणार आहे.
उपराष्ट्रपती केवळ दोन नामांकन वैध दिसून आले आहेत. यात ,एनडीएचे सी. पी. राधाकृष्णन आणि इंडिया अलायन्सचे बी सुदर्शन रेड्डी होते. दोघांसाठी चार नामांकन अर्ज दाखल करण्यात आले. परंतु, यापैकी जेकब जोसेफ यांच्या नामांकनाबाबत वाद निर्माण झाला आहे. जेकब जोसेफ यांच्या नामांकनाला २२ प्रस्तावक आणि २२ समर्थक आहेत. यामध्ये लोकसभा आणि राज्यसभा खासदारांची नावे आणि स्वाक्षऱ्यांचा समावेश आहे.
तथापि, हे नामांकन नाकारण्यात आले. या खासदारांची नावे त्यांना न कळवता लिहिली आणि स्वाक्षऱ्या करण्यात आल्याचे कळले आहे. अनेक खासदारांनी पुष्टी केली आहे की त्यांनी जोमन जोसेफ यांच्या नामांकनावर स्वाक्षरी केली नाही. मनोरंजक म्हणजे, यामध्ये सध्या तुरुंगात असलेले वायएसआरसीपीचे खासदार मिधुन रेड्डी यांची स्वाक्षरी देखील दिसून येते.
देशाचे माजी उपराष्ट्रपती जगदीप धनखड यांनी २१ जुलै रोजी आपल्या पदाचा राजीनामा दिला. यानंतर, निवडणूक आयोगाने उपराष्ट्रपती पदासाठी निवडणुका घेण्याची घोषणा केली होती. उपराष्ट्रपती निवडणुकीसाठी मतदान ९ सप्टेंबर रोजी होणार आहे आणि त्याच दिवशी देशाला नवीन उपराष्ट्रपती मिळणार आहेत.
