---Advertisement---
जळगाव : स्थानिक स्वराज्य संस्थांच्या निवडणुका लवकरच होणे अपेक्षित असून, त्या दृष्टीने सर्वच राजकीय पक्ष तयारीला लागले आहेत. महायुतीमधील घटकपक्ष असलेल्या राष्ट्रवादी काँग्रेसचे नेते अजित पवार यांनी आघाडी घेत जळगावात बिगुल फुंकण्याची तयारी केली आहे.
शनिवारी रात्री त्यांचे जळगाव विमानतळावर आगमण झाले होते. त्यांच्या उपस्थितीत आज मेळावा आणि खान्देशातील पक्षाचे पदाधिकारी व कार्यकर्त्यांची बैठक होणार आहे.
राष्ट्रवादीत फूट पडल्यानंतर अजित पवार हे प्रथमच जळगाव जिल्ह्यात आले आहेत. एकेकाळी या पक्षाचे सहा आमदार, खासदार, नगरपालिका अध्यक्ष जळगाव जिल्ह्यात होते. ते पूर्वीचे दिवस पुन्हा पाहायला मिळावेत म्हणून पक्षाकडून संघटना बांधणीवर भर देण्यात आला आहे. त्या दृष्टीनेही या दौऱ्याकडे पाहिले जात आहे.
हे आहेत उपस्थित
राज्याचे अन्न व नागरी पुरवठा मंत्री छगन भुजबळ, क्रीडा व युवक कल्याणमंत्री अॅड. माणिकराव कोकाटे, अन्न व औषध प्रशासन मंत्री नरहरी झिरवाळ हे उपस्थित आहेत.
सर्व धर्मीय लाडक्या बहिणींनी बांधली राखी
जळगाव : राष्ट्रवादी अजित पवार गट महिला शक्तीकडून सर्व धर्मीय लाडक्या बहिणींनी उपमुख्यमंत्री अजित पवार यांना राखी बांधून रक्षाबंधन साजरा केला. यावेळी महिला शक्ती गटाकडून सजग – सक्षम अभियानांतर्गत हेल्पलाइन नंबर चा शुभारंभ देखील करण्यात आला. या हेल्पलाइन नंबरद्वारे महिलांना आपल्या समस्या तक्रारी करता येणार आहे. तसेच विविध शासकीय कामाबाबतही या हेल्पलाइन नंबरद्वारे महिलांना माहिती मिळणार आहे.
धुळे, नंदुरबार व जळगावची आढावा बैठक
जळगाव : शहरातील राष्ट्रवादीच्या जिल्हा कार्यालयाला भेट दिली. या वेळी राष्ट्रवादीची धुळे, नंदुरबार व जळगाव जिल्ह्याची आढावा बैठक पार पडली. माजी मंत्री अनिल पाटील, गुलाबराव देवकर, माजी मंत्री सतीश पाटील, जिल्हाध्यक्ष संजय पवार यांची प्रमुख उपस्थिती होती. बैठकीला खान्देशातील कार्यकर्ते मोठ्या संख्येने उपस्थित होते.
---Advertisement---
