आई-वडील ज्या मुलाचा म्हातारपणात आधार मानत होते, त्या मुलानेच दोघांची हत्या केली. स्वत:च्या आई-वडिलांवर काळा जादू केल्याचा आरोप करत, त्याने काठीने मारहाण करून त्यांची हत्या केली. एवढेच नाही तर खून केल्यानंतर घराला आग लावण्यात आली. मृत वडिलांचे नाव नारायण आणि आईचे नाव जानी आहे. गुन्हा करून आरोपी फरार झाला होता, त्याला आठ वर्षांनी पोलिसांनी अटक केली होती.
ही संपूर्ण घटना 8 वर्षांपूर्वी म्हणजेच 2015 मध्ये घडली होती. आई-वडिलांचा खून केल्यानंतर आरोपींनी मृतदेह घरी जाळला. यानंतर गावकऱ्यांना आपल्या बाजूने घेण्यासाठी मारेकरी मुलगा बुधू उर्फ बुधवा याने गावात दारू आणि मटणाची पार्टी टाकली. गावकऱ्यांना दारू आणि मटण पार्टी दिल्यानंतर आरोपी बुधू हा गेल्या 8 वर्षांपासून फरार होता.
आरोपी बुधू उर्फ बुधवा हा गावात आला असल्याची माहिती पोलिसांना मिळाली होती. यानंतर पोलिसांनी गावात छापा टाकून आरोपीला एका घरातून पकडले. एका पोलिस अधिकाऱ्याने दिलेल्या माहितीनुसार, पोलिसांचे पथक गावात पोहोचल्यावर आरोपी पळू लागला. यानंतर पोलिसांनी धाव घेत आरोपीला पकडले. आरोपीचे वय 55 वर्षे असल्याचे सांगण्यात येत आहे. झारखंडमधील गुमला जिल्ह्यातील बारतोली गावात ही घटना घडलीय.
झारखंडमध्ये जादूटोण्यासारख्या सामाजिक कुप्रथा आणि अंधश्रद्धेच्या नावाखाली होणार्‍या हत्या रोखण्यासाठी कठोर कायदे करण्यात आले आहेत. असे असतानाही अंधश्रद्धेच्या नावाखाली सुरू असलेल्या हत्यांच्या मालिकेची राज्याकडून दखल घेतली जात नाही. काही दिवसांपूर्वी गुमला येथे एका महिलेची हत्या करण्यात आली होती. आरोपीने महिलेला डायन म्हणत तिच्यावर धारदार शस्त्राने वार केले, त्यामुळे तिचा मृत्यू झाला.
