पाकिस्तानमध्ये मतदान सुरू, मोबाईल सेवा तात्पुरती स्थगित

पाकिस्तानात गुरुवार, 8 रोजी सार्वत्रिक मतदान होत असून, देशभरातील मतदान केंद्रांवर 6 लाखांवर सुरक्षा कर्मचारी तैनात असतील. पोलिस, नागरी सुरक्षा बल तसेच सशस्त्र बलाचे जवान अशी त्रिस्तरीय सुरक्षा व्यवस्था मतदान केंद्रांवर असेल. सकाळी 8 वाजलेपासून मतदान सुरू आहे. सायंकाळी 5 पर्यंत विनाअवकाश ते सुरू राहील.  दरम्यान पाकिस्तानच्या गृह मंत्रालयाने सुरक्षा परिस्थितीच्या पार्श्वभूमीवर देशभरातील मोबाईल सेवा तात्पुरती स्थगित केली आहे. असे वृत्त स्थानिक माध्यमांनी दिले आहे.