---Advertisement---
ठाण्यात अनेक दिवसांपासून बेपत्ता असलेल्या महिलेच्या खून प्रकरणाचा उलगडा झाला आहे. टॅक्सी चालकाने महिलेची हत्या केली होती. त्यानंतर विल्हेवाट लावण्यात आली. नवी मुंबईतील उरण परिसरातून सात दिवसांनंतर पोलिसांनी महिलेचा मृतदेह ताब्यात घेतला. पोलिसांनी आरोपी अटक केली असून, २९ एप्रिलपर्यंत पोलीस कोठडी सुनावण्यात आली.
अधिक तपासात महिलेचे मुंबईतील नागपाडा येथील रहिवासी असलेल्या टॅक्सी चालकावर प्रेम असल्याचे समोर आले. अधिकाऱ्याने सांगितले की, ती महिला त्याच्यावर लग्न करण्यासाठी दबाव टाकत होती. मात्र त्यांनी नकार दिल्याने त्यांच्यात वाद झाला.
आरोपीने महिलेला आपल्या कारमध्ये नेले होते. 18 एप्रिल रोजी सायंकाळी आरोपीने महिलेला मानखुर्द येथून उचलले आणि ठाण्यातील कल्याण परिसरातील खडवली येथे आपल्या कारमध्ये नेले. 19 एप्रिल रोजी पहाटे 1 वाजण्याच्या सुमारास त्याने कथितरित्या तिची हत्या केली आणि मृतदेह नाल्यात फेकून दिला, असे अधिकाऱ्याने सांगितले.
पोलिसांनी सांगितले की, आरोपीला शनिवारी अटक करून स्थानिक दंडाधिकाऱ्यांसमोर हजर केले असता, त्याला २९ एप्रिलपर्यंत पोलिस कोठडी सुनावण्यात आली. उरण पोलीस ठाण्याचे वरिष्ठ निरीक्षक सतीश निकम यांनी सांगितले की, आरोपींवर कडक कारवाई केली जाईल. सध्या तो पोलिस कोठडीत आहे. त्याची चौकशी सुरू आहे.
