Weather Update : भारतीय हवामान विभागाने (IMD) पुढील २४ तासांत अतिमुसळधार पावसाचा इशारा दिला असून, याचा मोठा फटका शेतकऱ्यांना बसण्याची शक्यता वर्तवण्यात आली आहे. या अतिमुसळधार पावसाचा इशारा नेमका कोणत्या राज्यांना देण्यात आलाय? हे जाणून घेऊया…
भारतीय हवामान विभागाने दिलेल्या माहितीनुसार, उत्तर भारतामध्ये थंडीचा प्रभाव कमी होत असून तापमानात वाढ होत आहे. पुढील महिन्यात उन्हाळ्याची चाहूल लागू शकते. आयएमडीच्या अंदाजानुसार यंदा थंडी वेळेपूर्वीच निरोप घेऊ शकते. तसेच, देशातील काही भागांमध्ये अवकाळी पावसाची शक्यता आहे.
हवामान विभागानुसार दक्षिण-पश्चिम राजस्थान, पूर्वोत्तर आसाम आणि पूर्वोत्तर बांगलादेश या भागांमध्ये चक्रीवादळाची स्थिती निर्माण झाली आहे. या चक्रीवादळामुळे वाऱ्याचा वेग प्रती तास १२५ किमी एवढा असल्याने मोठ्या प्रमाणावर पावसाचा अंदाज वर्तवण्यात आला आहे.
हेही वाचा : सुनेच्या प्रियकराला सासूने बोलावलं भेटायला; मग पुढे जे घडलं त्याचा त्याने स्वप्नातही केला नसेल ‘विचार’
गेल्या २४ तासांत जम्मू-काश्मीर आणि अरुणाचल प्रदेशमध्ये पाऊस झाला आहे. तसेच, अरुणाचल प्रदेशमध्ये हलक्या ते मध्यम स्वरूपाचा पाऊस होत असून, काही भागांमध्ये अतिमुसळधार पावसाचा इशारा देण्यात आला आहे. अरुणाचल प्रदेशसह आसाम, सिक्किम, उत्तराखंड आणि हिमाचल प्रदेशमध्ये देखील पावसाचा अंदाज आहे.
या अनपेक्षित पावसामुळे शेतकऱ्यांचे मोठे नुकसान होण्याची शक्यता आहे. शेतीमध्ये उभी पिके वाया जाण्याचा धोका निर्माण झाला आहे. विशेषतः खरीप आणि रब्बी पिकांवर या पावसाचा परिणाम होऊ शकतो.
हेही वाचा : ऋषभ पंतचा जीव वाचवणारा तरुण झुंजतोय मृत्यूशी; नेमकं काय घडलं?
महाराष्ट्रातील हवामानाचा अंदाज
महाराष्ट्रात मात्र हवामानात फार मोठा बदल होण्याची शक्यता नाही. राज्यात तापमानात किंचित वाढ होणार असल्याचा अंदाज वर्तवण्यात आला आहे. महाराष्ट्रात उष्णतेची लाट अद्याप नसली तरी हळूहळू उन्हाळ्याची चाहूल लागू शकते.
हवामानातील बदल लक्षात घेता नागरिकांनी विशेषतः उत्तर भारतातील राज्यांमध्ये आवश्यक ती काळजी घेण्याचा सल्ला देण्यात आला आहे. तसेच, किनारपट्टी भागांमध्ये वाऱ्याचा वेग वाढल्यामुळे प्रवाशांनी आणि मासेमारांनी सतर्क राहावे.
हवामानातील या अनपेक्षित बदलांमुळे पुढील काही दिवस महत्त्वाचे ठरणार आहेत. नागरिकांनी आणि शेतकऱ्यांनी हवामान विभागाच्या सूचनांचे पालन करणे गरजेचे आहे.
