भारतीय तटरक्षक दलात नोकरीची सुवर्णसंधी, काय आहे पात्रता?

भारतीय तटरक्षक दलाने नाविक (सामान्य कर्तव्य) आणि नाविक (घरगुती शाखा) या पदांसाठी मोठ्या प्रमाणात भरती प्रक्रिया सुरू केली आहे. इच्छुक आणि पात्र उमेदवार अधिकृत वेबसाइटवर जाऊन ऑनलाईन अर्ज करू शकतात. अर्ज करण्याची अंतिम तारीख 03 मार्च 2025 आहे.

३०० रिक्त जागांची भरती
या भरती मोहिमेद्वारे एकूण ३०० पदे भरली जाणार आहेत. यामध्ये –
नाविक (सामान्य कर्तव्य) – २६० जागा
नाविक (घरगुती शाखा) – ४० जागा

वयोमर्यादा आणि शैक्षणिक पात्रता
अर्ज करणाऱ्या उमेदवारांचे किमान वय १८ वर्षे आणि कमाल वयोमर्यादा २२ वर्षे असावी.
अनुसूचित जाती (SC) आणि अनुसूचित जमाती (ST) प्रवर्गातील उमेदवारांना ५ वर्षे वयाची सूट आहे.
इतर मागासवर्गीय (OBC) उमेदवारांना ३ वर्षे वयोमर्यादेत सूट देण्यात आली आहे.

शैक्षणिक पात्रता
नाविक (सामान्य कर्तव्य) – उमेदवाराने भौतिकशास्त्र आणि गणित विषयांसह 12वी (इंटरमिजिएट) परीक्षा उत्तीर्ण केलेली असावी.
नाविक (घरगुती शाखा) – उमेदवाराने 10वी (मॅट्रिक) परीक्षा मान्यताप्राप्त बोर्डातून उत्तीर्ण केलेली असावी.
अर्ज शुल्क आणि अर्ज प्रक्रिया
अनारक्षित (General) आणि OBC प्रवर्गातील उमेदवारांसाठी अर्ज शुल्क – ₹३००/-
SC/ST प्रवर्गातील उमेदवारांना अर्ज शुल्कातून सूट
उमेदवारांना अधिकृत वेबसाइटवर जाऊन ऑनलाईन पद्धतीने अर्ज करावा लागेल.
उत्कृष्ट पगार आणि सुविधा
या पदांवर नियुक्त झालेल्या उमेदवारांना ₹२१,७०० ते ₹६९,१०० मासिक वेतन मिळणार आहे. याशिवाय, सरकारी नोकरीच्या सर्व सुविधा जसे की भत्ता, प्रमोशन आणि इतर सेवा लाभ मिळणार आहेत.

अर्ज करण्याची अंतिम मुदत – 03 मार्च 2025
इच्छुक उमेदवारांनी अंतिम तारखेपूर्वी अर्ज करावा आणि या सुवर्णसंधीचा लाभ घ्यावा!