PM Kisan Yojana : प्रधानमंत्री किसान सन्मान निधी (पीएम-किसान) योजनेअंतर्गत, शेतकऱ्यांना दरवर्षी 6,000 ची आर्थिक मदत दिली जाते. ही रक्कम थेट शेतकऱ्यांच्या बँक खात्यात तीन हप्त्यांमध्ये हस्तांतरित केली जाते. या योजनेचा उद्देश शेतकऱ्यांना पेरणी आणि सिंचन यासारख्या कामांसाठी आर्थिक मदत करणे आहे. .
केंद्र सरकारने आतापर्यंत पंतप्रधान किसान सन्मान निधी योजनेचे एकूण 19 हप्ते जारी केले आहेत. परंतु देशभरातील अनेक शेतकऱ्यांचे 20 व्या हप्त्याचे पैसे कधी जमा होणार याकडे लक्ष लागून आहे.
प्रधानमंत्री किसान सन्मान निधी योजनेचा प्रत्येक हप्ता चार महिन्यांच्या अंतराने जारी केला जातो. केंद्र सरकारने फेब्रुवारी महिन्यात 19 वा हप्ता जारी केला होता. यामुळे, जून महिना फेब्रुवारीच्या चार महिन्यांनंतर येत आहे.
या कारणास्तव, मीडिया रिपोर्ट्समध्ये असा दावा केला जात आहे की केंद्र सरकार जून महिन्यात पीएम किसान सन्मान निधी योजनेचा २० वा हप्ता जारी करू शकते. परंतु सरकारने अधिकृतपणे हप्त्याचे पैसे जारी करण्याच्या तारखा जाहीर केलेल्या नाहीत.
पीएम-किसानसाठी नोंदणी कशी करावी आणि ई-केवायसी कसे करावे?
शेतकरी पीएम-किसान पोर्टल किंवा जवळच्या सीएससी सेंटरला भेट देऊन नोंदणी करू शकतात. त्यांना नाव, जन्मतारीख, बँक खाते, आयएफएससी कोड, आधार क्रमांक, मोबाइल नंबर यासारखी महत्त्वाची माहिती द्यावी लागेल. नोंदणीनंतर, ई-केवायसी अनिवार्य आहे. हे ओटीपीसह पोर्टलवर किंवा फेस ऑथेंटिकेशनसह मोबाइल अॅपवर करता येते.
लाभार्थी स्थिती कशी तपासायची?
pmkisan.gov.in वर जा
‘तुमची स्थिती जाणून घ्या’ या लिंकवर क्लिक करा
तुमचा नोंदणी क्रमांक प्रविष्ट करा (जर माहिती नसेल तर आधार किंवा मोबाइलने शोधा)
कॅप्चा भरा आणि ओटीपीने पडताळणी करा
आता तुम्ही तुमची लाभार्थी स्थिती तपासू शकता.
