IPL 2025 : आयपीएल २०२५ चा ३२ वा सामना दिल्ली कॅपिटल्स आणि राजस्थान रॉयल्स यांच्यात १६ एप्रिल रोजी दिल्लीच्या अरुण जेटली स्टेडियमवर खेळवण्यात आला. दोन्ही संघांत जोरदार स्पर्धा झाली. पण, सुपर ओव्हरमध्ये दिल्ली संघ विजयी झाला. या रोमांचक सामन्यादरम्यान, संघाचे गोलंदाजी प्रशिक्षक मुनाफ पटेल स्वतःवर नियंत्रण ठेवू शकले नाहीत आणि पंचांशी झटापट झाली. यामुळे त्यांना बीसीसीआयने दंड ठोठावला आहे. IPL 2025
मुनाफ पटेलचा एक व्हिडिओ सोशल मीडियावर मोठ्या प्रमाणात व्हायरल होत आहे. यामध्ये ते चौथ्या पंचाशी जोरदार वाद घालताना दिसत आहेत. खरंतर, चौथ्या पंचाने मैदानावर संदेश पोहोचू दिला नाही. दिल्लीचे गोलंदाजी प्रशिक्षक यावर नाराज झाले आणि त्यांनी रागाच्या भरात काहीतरी सांगितले. यानंतर, बीसीसीआयने आयपीएलच्या आचारसंहितेचे उल्लंघन केल्याप्रकरणी दंड ठोठावला.
मुनाफ पटेलने आपली चूक मान्य केली आहे. तथापि, आयपीएलने जारी केलेल्या निवेदनात त्याला कशासाठी शिक्षा झाली आहे हे स्पष्ट केलेले नाही. पण व्हिडिओ समोर आल्यानंतर ही शक्यता व्यक्त केली जात आहे.
या हंगामात दिल्लीसाठी संघातील एखाद्या सदस्याला दंड ठोठावण्याची ही पहिलीच वेळ नाही. यापूर्वी कर्णधार अक्षर पटेललाही बीसीसीआयने दंड ठोठावला होता. मुंबई इंडियन्सविरुद्धच्या सामन्यात स्लो ओव्हर रेटमुळे त्याच्याकडून १२ लाख रुपये वसूल करण्यात आले.
दिल्ली कॅपिटल्स पॉइंट टेबलमध्ये अव्वल स्थानावर
या हंगामात दिल्ली कॅपिटल्स संघ उत्तम फॉर्ममध्ये आहे. अक्षर पटेलच्या नेतृत्वाखाली दिल्ली संघ आतापर्यंत ६ पैकी ५ सामने जिंकून पॉइंट टेबलमध्ये अव्वल स्थानावर राहिला आहे.
