Pahalgam Terror Attack : पहलगाम दहशतवादी हल्ल्यामुळे संपूर्ण देश दुःखी आहे. यावर सचिन तेंडुलकरपासून विराट कोहलीपर्यंत अनेक प्रसिद्ध खेळाडूंनी या घटनेचा निषेध केला आहे. त्यांनी पीडित कुटुंबांप्रती संवेदना व्यक्त केली आणि कठोर कारवाईची मागणीही केली. या दहशतवादी घटनेमुळे टीम इंडियाचा वेगवान गोलंदाज मोहम्मद शमीही दुःख व्यक्त केले आहे. त्यांनी सोशल मीडियावर म्हटले की, अशा घटना आपल्या देशातील समाजाला कमकुवत करतात. या कठीण काळात सर्व देशवासीयांनी एकजूट राहण्याचे आवाहन त्यांनी केले आहे.
या हल्ल्याबद्दल शमी म्हणाले, “पहलगाममधील दहशतवादी हल्ल्याने मला खूप दुःख झाले आहे. या क्रूर हल्ल्यात अनेक निष्पाप लोकांनी आपले प्राण गमावले आणि कुटुंबे उद्ध्वस्त झाली. या प्रकारची हिंसाचार केवळ एका व्यक्तीला लक्ष्य करत नाही तर आपल्या समाजाची जडणघडण देखील कमकुवत करते. या कठीण काळात, आपण दहशतवादाचा निषेध करण्यासाठी आणि पीडितांच्या कुटुंबियांना मनापासून संवेदना व्यक्त करण्यासाठी एकत्र आले पाहिजे. शांततेसाठी आपली वचनबद्धता राखणे महत्वाचे आहे.
२२ एप्रिल रोजी जम्मू आणि काश्मीरमधील पहलगाम येथे झालेल्या दहशतवादी हल्ल्याने संपूर्ण देश हादरला आहे. या घटनेत सुमारे २८ जणांचा मृत्यू झाला आहे, तर अनेक जण जखमी झाले आहेत. या दहशतवादी हल्ल्यातील बहुतेक बळी पर्यटक आहेत, ज्यामुळे संपूर्ण देश हादरला आहे.
विराट कोहलीने हल्ल्याबद्दल दुःख व्यक्त केले आणि न्यायाची मागणी केली. त्यांनी इंस्टाग्राम स्टोरीद्वारे म्हटले आहे की, पहलगाममध्ये निष्पाप लोकांवर झालेल्या भयानक हल्ल्यामुळे मला खूप दुःख झाले आहे. हार्दिक पांड्यानेही शोक व्यक्त केला. तो म्हणाला, पहलगाममधून येणाऱ्या बातम्यांनी मला धक्का बसला आहे. पीडित आणि त्यांच्या कुटुंबियांसोबत माझ्या संवेदना आहेत.
