नवी दिल्ली : भाजपने 2024 मध्ये होणार्‍या आगामी लोकसभा निवडणुकीबाबत आपला प्लॅन अ‍ॅनिमेटेड व्हिडिओद्वारे सांगितला आहे. या व्हिडिओच्या माध्यमातून भाजपने आपल्या प्लॅनची झलकही दाखवली आहे. साडेचार मिनिटांच्या या व्हिडिओमध्ये मोदी सरकारने गेल्या ९ वर्षात केलेल्या कामांची झलक दाखवण्यात आली आहे. विशेष म्हणजे, विरोधी पक्षनेत्यांनी पंतप्रधान नरेंद्र मोदींना कसे टार्गेट केले, हे सुद्धा या व्हिडिओमध्ये दाखवण्यात आले आहे. ‘मुझे चलते जाना है…’, असे व्हिडिओचे शीर्षक आहे.
व्हिडिओच्या सुरुवातीला पीएम नरेंद्र मोदी पायर्‍या चढताना दिसत आहेत. २००७ च्या सुरुवातीला गुजरात सीएम लिहिले आहे. यानंतर नरेंद्र मोदी समोरच्या पायर्‍या चढतात. नरेंद्र मोदी पायर्‍या चढत असताना सोनिया गांधी दिसतात. सोनिया गांधी एका यमराजाकडे इशारा करतात. ज्या म्हशीवर यमराज बसले आहेत, तिच्यावर मृत्यूचा व्यापारी असे लिहिले आहे. तसेच, मणिशंकर अय्यर सोनिया गांधींसोबत चहाची किटली धरताना दिसत आहेत. ते ’चाय-चाय’ म्हणत हसताना दिसत आहेत, पण मोदी किटली हातात घेतात आणि हसत निघून जातात.
व्हिडिओमध्ये काँग्रेस नेत्यांनी नरेंद्र मोदींना रोखण्यासाठी आणखी प्रयत्न केले आहेत, परंतु नरेंद्र मोदी पुढे सरकले आणि २०१४ मध्ये पंतप्रधान पदाच्या खुर्चीपर्यंत पोहोचले. यानंतरही नरेंद्र मोदी पायर्‍या चढून सरकारच्या योजनांची माहिती दाखवतात. तसेच, व्हिडिओच्या शेवटी ५ ट्रिलियन इकॉनॉमी लिहिल्याचे दिसत आहे.
मुझे चलते जाना है… pic.twitter.com/1NLvbV7L8y
— BJP (@BJP4India) March 14, 2023
