---Advertisement---
Muktainagar Bus Accident : जळगाव : भरधाव डम्परने एसटी बसला जोरदार धडक दिल्याने बसचालकासह १९ प्रवासी जखमी झाल्याची घटना समोर आली आहे. या जखमींपैकी सात जणांची प्रकृती गंभीर असून, त्यांना उपचारासाठी येथे शासकीय वैद्यकीय महाविद्यालयात हलवण्यात आले आहे.
---Advertisement---
मिळालेल्या माहितीनुसार, मुक्ताईनगर आगाराची बस ( एमएच- २०, बीएल- २९४४) मुक्ताईनगर-मलकापूर मलकापूरकडे जात असताना तरोडा ते रुईखेडादरम्यान गौण खनिजाने भरलेले डम्पर (एमएच ३०, बीडी- २४१८) वेगात समोरून आले आणि बसला जोरदार जबर धडक दिली.
या धडकेमुळे बसच्या पुढील भागाचे मोठे नुकसान झाले. या अपघातात १९ प्रवासी जखमी झाले असून यात चालकाचाही समावेश आहे. जखमींवर मुक्ताईनगर ग्रामीण रुग्णालयात उपचार करण्यात येत आहेत. तर या जखमींपैकी सात जणांची प्रकृती गंभीर असून, त्यांना उपचारासाठी येथे शासकीय वैद्यकीय महाविद्यालयात हलवण्यात आले आहे.
या अपघातप्रकरणी मुक्ताईनगर पोलिस ठाण्यात वाहक अतुल गोविंदा भोजने यांच्या फिर्यादीवरून गुन्हा नोंदवण्यात आला आहे. तर गौण खनिज वाहतूक करणारा संबंधित डम्परचालक फरार आहे. पोलिसांकडून पुढील तपास करण्यात येत आहे.
