मुंबई : ज्योतिष शास्त्रानुसार मार्च महिना खूप महत्त्वाचा असणार आहे. या महिन्यात अनेक ग्रह त्यांच्या राशी बदलतील. त्याचबरोबर शनिदेवही नक्षत्र बदलतील. होळीनंतर १४ मार्च रोजी कर्म आणि न्याय देणारे शनिदेव शतभिषा नक्षत्रात प्रवेश करणार आहेत. ज्यावर राहू देवाचे वर्चस्व आहे. यामुळे काही राशींच्या लोकांसाठी धन आणि प्रगतीचे योग तयार होत आहेत. शनीचे नक्षत्र बदलताच तीन राशींना अचानक धनलाभ आणि त्यांच्या करिअरमध्ये प्रगती होण्याची शक्यता निर्माण होत आहे. चला जाणून घेऊया कोणत्या आहेत या राशी
वृषभ
शनिदेव तुमच्या गोचर कुंडलीत शशा आणि केंद्र त्रिकोण योग निर्माण करणार आहेत. यामुळे नोकरीत पदोन्नती आणि पगारवाढीची शक्यता आहे. यासोबतच बेरोजगारांना नोकरीच्या संधी उपलब्ध होऊ शकतात. दुसरीकडे, जे राजकारण, वैद्यकीय क्षेत्राशी निगडीत आहेत, त्यांच्यासाठी हा काळ चांगला ठरू शकतो. तसेच भागीदारीच्या कामात लाभ होऊ शकतो.
सिंह
शनिदेवाच्या नक्षत्रातील बदल सिंह राशीच्या कुंडलीच्या सातव्या घरात प्रवेश करेल. म्हणून, यावेळी तुम्हाला कर्जापासून मुक्ती मिळू शकते. तसेच भागीदारीच्या कामात लाभ होऊ शकतो. त्याचबरोबर व्यावसायिकांना चांगला नफा मिळू शकतो. यासोबतच बेरोजगारांना नवीन नोकरी मिळण्याची शक्यता आहे. याकाळात तुमचा आत्मविश्वासही वाढेल. जोडीदारासोबत समन्वय चांगला राहील आणि जोडीदारामार्फत धनप्राप्ती होण्याची शक्यता आहे.
मकर
शनिदेव तुमच्या दुसर्‍या घरात प्रवेश करणार आहेत. त्यामुळे तुमच्या जोडीदारासोबतचे नाते यावेळी चांगले राहू शकतात. प्रेम संबंध जमतील.
याकाळात तुम्हाला अचानक धनलाभ होऊ शकतो. नोकरीत पदोन्नती आणि पगारवाढ होऊ शकते. तसेच यावेळी तुमचा मान-सन्मान वाढण्याची शक्यता आहे. कोर्ट केसेसमध्ये यश मिळू शकते. मोठ्या भावंडांशी संबंध चांगले राहतील. भागीदारीच्या कामातही तुम्हाला फायदा होऊ शकतो.
